بايقاۋ جۇمىستارىن باعالاۋداعى باستى شارت كىتاپحانا باعدارلامالارى مەن قىزمەتتەرىنىڭ زاماناۋي ۇلگىدە بولۋى ەدى. ءداستۇرلى بايقاۋدىڭ جىل سىياقىسى ءۇش اتالىم بويىنشا بەرىلدى: «ينتەرنەتتەگى قاۋىپسىزدىك», «كليماتتىڭ وزگەرۋىنە قارسى قارەكەت» جانە «ماجبۇرلەپ كوشىرىلگەن حالىقتىڭ ساندىق ۇلگىدەگى ىقپالداسۋى».
ال №2 كىتاپحانا بولىمشەسى «JasylUi» ەكو-ورتالىعى «كليماتتىڭ وزگەرۋىنە قارسى قارەكەت» اتالىمى بويىنشا جەڭىمپاز اتاندى. بۇل جوبانىڭ وزەكتىلىگى – تسيفرلىق ۇلگىدەگى زاماناۋي تەحنولوگيا ارقىلى قورشاعان ورتانى زەرتتەپ, زەردەلەۋدى ۇيرەتۋ ارقىلى جاس ۇرپاقتىڭ ەكولوگيالىق ساۋاتىن دامىتۋ ەدى. وسى باعىتتاعى جوبانى جۇزەگە اسىرۋعا «Samruk-Kazyna Trust» قازاقستان قورى قولداۋ كورسەتتى. ناتيجەسىندە, «JasylUi» ەكو-ورتالىعىندا بالالارعا ارنالعان ەكوزەرتحانا اشىلىپ, قاجەتتى زاماناۋي قۇرال-جابدىقتارمەن جابدىقتالدى. ەلەكتروندى ميكروسكوپ, «جاس ەكولوگ» قۇرالدار جيىنتىعى, اۋا, سۋ, توپىراق قۇرامىن زەرتتەيتىن قۇرالدار, 3D پرينتەر جانە ينتەراكتيۆتى پانەلدى وقۋشىلار ءوز زەرتتەۋ تاجىريبەلەرىندە پايدالانۋ مۇمكىندىگىنە قول جەتكىزدى. قازىر ولار وسىمدىكتى توپىراقسىز ءوسىرىپ (گيدروپونيكا), تاجىريبە جۇرگىزىپ ءجۇر. وسىمدىكتى توپىراقسىز اۆتوماتتى سۋارۋ ءتاسىلى ارقىلى ءوسىرۋ قۇرال-جابدىعى تۇقىمنىڭ ءوسىپ-ءونۋ كەزەڭىن جاس زەرتتەۋشىلەردىڭ مۇقيات باقىلاۋىنا مۇمكىندىك بەرەدى.
بۇعان دەيىن حالىقارالىق بايقاۋدا افريكا, ازيا, ەۋروپا, لاتىن امەريكاسى مەملەكەتتەرىنىڭ جەڭىمپازدارى ماراپاتتالىپ كەلسە, بيىل ورالحان بوكەي اتىنداعى كىتاپحانانىڭ №2 بولىمشەسى يە بولدى.
وسكەمەن
