فوتو: baiterek.gov.kz
«مەملەكەت باسشىسىنىڭ جارلىعىمەن نۇرلان سەرىك ۇلى بايبازاروۆ قازاقستان رەسپۋبليكاسى پرەمەر-ءمينيسترىنىڭ ورىنباسارى – ۇلتتىق ەكونوميكا ءمينيسترى لاۋازىمىنا تاعايىندالدى», دەلىنگەن اقوردا حابارلاماسىندا.
نۇرلان بايبازاروۆ 1975 جىلعى 10 قازاندا تۋعان.
قازاق مەملەكەتتىك باسقارۋ اكادەمياسىن بىتىرگەن.
23 جىلدىق جۇمىس ءوتىلى بار, ونىڭ 7 جىلى — «قازاقستاننىڭ دامۋ بانكى» اق-دا باسشىلىق لاۋازىمداردا.
1997-2003 جىلدارى قر قارجى مينيسترلىگىندە جۇمىس ىستەدى.
2004 جىلدان 2011 جىلعا دەيىن جوبالارعا اگەنتتىك قىزمەت كورسەتۋ باسقارماسىنىڭ باستىعى, ينۆەستيتسيالىق جوبالار جونىندەگى باسقارۋشى ديرەكتور, كورپوراتيۆتىك دامۋ دەپارتامەنتىنىڭ ديرەكتورى, «قازاقستاننىڭ دامۋ بانكى» اق كورپوراتيۆتىك حاتشىسى لاۋازىمدارىن اتقاردى.
2013 جىلدان 2016 جىلعا دەيىن قر ۇلتتىق ەكونوميكا مينيسترلىگىنىڭ ەكونوميكا سالالارىن دامىتۋ دەپارتامەنتىن باسقاردى.
بۇدان باسقا, ءار جىلدارى «قازاقستان تەمىر جولى» ۇك» اق, «قازمۇنايگاز كونسالتينگ» اق, «قازمۇنايگاز» ۇك» اق جۇمىس ىستەدى.
2016 جىلدان باستاپ 2022 جىلعى قاراشاعا دەيىن «ونەركاسىپتى دامىتۋ قورى» اق ديرەكتورلار كەڭەسىنىڭ مۇشەسى جانە باسقارما توراعاسى بولدى.
2022 جىلدىڭ قاراشا ايىنان 2023 جىلدىڭ قازان ايىنا دەيىن «قازاقستاننىڭ دامۋ بانكى» اق باسقارما توراعاسى بولدى.
«بايتەرەك» ۇلتتىق باسقارۋشى حولدينگى» اق جالعىز اكتسيونەرىنىڭ 2023 جىلعى 05 قازانداعى شەشىمىمەن حولدينگتىڭ باسقارما توراعاسى قىزمەتىنە تاعايىندالدى.
2023 جىلعى 11 قازاندا «بايتەرەك» ۇلتتىق باسقارۋشى حولدينگى» اق ديرەكتورلار كەڭەسىنىڭ مۇشەسى بولىپ سايلاندى.
«ەرەن ەڭبەگى ءۇشىن» مەدالىمەن ماراپاتتالعان.
