فوتو: 24KZ
ول قاراماعىنداعى قىزمەتكەرمەن بىرلەسىپ ىسكەرلىك ورماندى زاڭسىز كەسىپ, ساتقانى ءۇشىن كاسىپكەرلەردەن پارا الۋدىڭ قىلمىستىق سحەماسىن قۇراستىرعان.
«ەرتىس ورمانى» باسشىسى ا.بەكتەمىروۆ جىمىسقى ارەكەتىن قىزمەتكەرلەرىنىڭ كومەگىمەن جۇزەگە اسىرعان. ولاردى سىرتتاي باسقارۋ ارقىلى جۇيەلى تۇردە تولەم الىپ وتىرعان. انتيكور ونىڭ بانكتىك شوتىنا ءتۇسىپ وتىرعان پارانىڭ قىسقاشا ۇزىندىلەرىن دە جاريالادى.
26 قاڭتاردا تەرگەۋ سوتىنىڭ سانكتسياسىمەن رەزەرۆات ا.بەكتەمىروۆ باسشىسى 2 اي مەرزىمگە قاماۋعا الىندى.
سونىمەن قاتار رەزەرۆاتتىڭ بەس بۋحگالتەرىنە دە قاتىستى سوتقا دەيىنگى تەرگەۋ باستالدى. ولار 2021-2023 جىلدار ارالىعىندا وزدەرىنىڭ كارتوچكالىق شوتتارىنا, سونداي-اق مەكەمەدە جۇمىس ىستەيتىن, بۇرىن قىزمەت اتقارعان جۇمىسشىلارىنىڭ شوتتارىنا ارتىق جالاقى ەسەپتەپ, اقشا اۋدارىپ وتىرعان. ەسەپشىلەردىڭ 25 ملن تەڭگە سوماسىندا اسا ءىرى مولشەردە بيۋدجەت قاراجاتىن جىمقىرعانى بەلگىلى بولدى.
قازىر تەرگەۋ جالعاسىپ جاتىر. مەملەكەتكە كەلتىرىلگەن ماتەريالدىق زالال ءىشىنارا وتەلدى.
قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
ايتا كەتەيىك, «ەرتىس ورمانى» مەملەكەتتىك ورمان تابيعي رەزەرۆاتى» رمم 2003 جىلى قاڭتار ايىندا قۇرىلدى. جالپى اۋدانى 277 مىڭ گەكتاردى قۇرايدى. ونىڭ ىشىندە 160 مىڭ گەكتار ورمان القابى.
