ۇلتتىق قور – ۇرپاق يگىلىگىنە

6 ميلليوننان استام بالانىڭ 304 815-ءى 2024 جىلى 18 جاسقا تولادى. ولار­دىڭ بارلىعىنا وتك­ەن جىل ءۇشىن ۇلتتىق قوردان 100 دول­لار جانە 52 تسەنت مول­شە­رىن­دە بىر­دەي سوما ەسەپتەلگەن. بۇل – تەك ال­عاشقى ەسەپتەۋ­لەر عانا. جىل سايىن سوما ۇلتتىق قور اك­تيۆ­تەرىنىڭ ءوسۋى جانە ين­ۆەستيتسيالىق كىرىس الۋ ەسەبىنەن ۇلعايىپ وتىرادى. بۇدان بولەك, ەسەپتەلگەن قاراجات ۇلتتىق قور­دىڭ ۆاليۋتالىق اكتيۆتەرىنىڭ قۇ­رامىندا ينۆەستيتسيالانۋىن جال­عاستىرا بەرەدى, ءسويتىپ, بالا 18 جاس­قا تولعانعا دەيىن قوسىمشا ين­ۆەس­تيتسيالىق كىرىس اكەلەدى. ەسكەرە كە­تەتىن جايت, شوتقا ءتۇسىپ جاتقان قارا­جاتتى قازىر پايدالانۋ مۇم­كىن ەمەس. 18 جاسقا تولعاننان كە­يىن باع­دارلاما قاتىسۋشىلارى وزدەرى­نىڭ نىسانالى جيناقتارىن تۇر­عىن ۇيگە جۇمساۋعا نەمەسە ءبى­لىم الۋعا پايدالانۋعا قۇقىلى بولادى.

«قازاقستان ازاماتتارى بولىپ تابىلاتىن جانە اعىمداعى جىلى 18 جاسقا تولاتىن بالالاردىڭ بجزق-داعى نىسانالى جيناقتاۋ شوتتارىندا جيناقتالعان اقشا نىسانالى جيناقتار دەپ اتالادى. وسى قاراجاتتى پايدالانۋ ءۇشىن باعدارلامانىڭ كامەلەتكە تولعان قاتىسۋشىسى نىسانالى جيناقتاردى بجزق-دان اقش دول­­لارىمەن اۋدارىلاتىن بانك­­تىك شوت اشىپ, ۋاكىلەتتى وپەرا­تورلارعا جۇگىنە الادى. بجزق-مەن كەلىسىم جاساس­قان جانە «ۇلتتىق قور – بالا­لارعا» باعدارلاماسى بويىنشا جۇمىس ىس­تەيتىن ۋاكىلەتتى وپەرا­تور­لار­دىڭ ءتىزىمى enpf.kz سايتىندا ورنالاستىرىلعان», دەلىنگەن قور مالىمدەمەسىندە.

بالانىڭ باعدارلاماعا قا­تىسۋى تۋرالى جانە ەسەپتەلگەن نىسانالى تالاپتار تۋرالى اقپاراتتى كامەلەتكە تولماعان بالانىڭ اتا-اناسى (نەمەسە باسقا دا زاڭدى وكىلدەرى) ارنايى اشىلعان kids.enpf.kz سايتىندا (بالانىڭ جسن بويىنشا) تەكسەرە الادى. بجزق باعدارلاماعا قاتىسۋشى بالالاردىڭ تولىق ءتىزىمىن جىل سايىن «جەكە تۇل­عالار» مەملەكەتتىك دە­رەك­­قو­رى­نان الىنعان رەسمي ما­لى­مەتتەر نەگىزىندە قالىپ­تاس­تىرادى. ەگەر بالا وسى دەرەك­قورعا قوسىلعان بولسا, ول اۆتو­ماتتى تۇردە «ۇلتتىق قور – با­­­لا­­لارعا» باعدارلاماسىنىڭ قا­تىسۋ­شىسى اتانادى جانە وعان باعدارلاماعا قاتىسقان بارلىق جىلدار ىشىندە نىسانالى تالاپتار مەن ينۆەستيتسيالىق كىرىس ەسەپتەلەتىنىنە كەپىلدىك بەرىلەدى.

ەگەر بالا قانداي دا ءبىر سەبەپ­تەر­مەن «جەكە تۇلعالار» مەم­­لەكەتتىك دەرەكقورىندا بولماسا جانە وسى سەبەپتى باعدار­لا­ما­عا قاتىسۋشىلاردىڭ تىزىمىنە ەن­گىزىل­مەگەن بولسا (بىراق ونىڭ قاتىسۋشى بولۋعا قۇقىعى بولسا), وندا نىسانالى تالاپتار كەلەسى كۇنتىزبەلىك جىلى وتكىزىپ العان كەزەڭ (وتكىزىپ العان كەزەڭدەر) ءۇشىن تولىق كولەمدە (ينۆەس­تي­تسيالىق كىرىستى قوسا العاندا) ەسەپ­تەلەدى.

بۇل جاعدايدا بالالاردىڭ اتا-انالارى (زاڭدى وكىلدەرىنە) مىنا دەرەكتەردى تەكسەرۋى كەرەك:

• بالادا جەكە باسىن كۋالان­دى­راتىن قۇجاتتىڭ بولۋى (تۋ تۋرالى كۋالىك, 16 جاستان باس­تاپ – قازاقستان رەسپۋبليكاسى ازاماتىنىڭ جەكە كۋالىگى);
• جەكە باسىن كۋالاندىراتىن قۇجاتتا دەرەكتەمەلەردىڭ بولۋى جانە ولاردىڭ دۇرىس كورسەتىلۋى: ت. ا. ءا., تۋعان كۇنى, جسن, ازامات­تىعى;
• egov.kz پورتالىنداعى جەكە كا­بينەتىندە بالالار تۋرالى مالى­­مەتتەردىڭ بولۋى, تىركەلۋى جانە دۇرىستىعى (وسى رەسۋرستا بالا­­نىڭ اتا-اناسىنا بەكىتىلگەن با­لا­نىڭ نىسانالى تالاپتارى بويىنشا ەگجەي-تەگجەيلى ءۇزىندى كوشىرمە ۇسىنىلادى).

ەگەر بالادا جەكە باسىن كۋا­­لان­دىراتىن قۇجات, جسن جوق بولسا, تۇرعىلىقتى جەرى بو­يىن­شا «ازاماتتارعا ارنالعان ۇكى­مەت» مەملەكەتتىك كورپوراتسياسىنا (حقكو) جۇگىنگەن ءجون. سونداي-اق ازاماتتىعى جوق, انىق­تالماعان نەمەسە ول دۇ­رىس كور­سەتىلمەگەن بولسا, وندا تۇر­عى­لىقتى جەرى بويىنشا كوشى-قون قىزمەتىنىڭ كومەگىن پايدالانۋ قاجەت. «جەكە تۇلعالار» مەم­لە­كەتتىك دەرەكقورىنا قا­جەتتى تۇزەتۋلەر ەنگىزىلگەننەن كەيىن بالانىڭ نىسانالى تالاپتارى مەن ينۆەستيتسيالىق كىرىسى وتكىزىپ العان كەزەڭدى ەسكەرە وتىرىپ, كە­لەسى جىلى تولىق ەسەپتەلەتىن بولادى.