ايتا كەتەيىك, ءبىر, ەكى جانە ءۇش بالا تۋعان كەزدە بىرجولعى جاردەماقى 131 100 تەڭگەدەن 140 296 تەڭگەگە دەيىن, ءتورتىنشى جانە ودان دا كوپ بالاعا 217 350 تەڭگەدەن 232 596 تەڭگەگە دەيىن ۇلعايدى. I توپتاعى كەمباعال ادامدارعا بەرىلەتىن جاردەماقى 89 248 تەڭگەدەن 95 496 تەڭگەگە دەيىن, II توپتاعى جاردەماقى – 71 398 تەڭگەدەن 76 397 تەڭگەگە دەيىن, III توپتاعى جاردەماقى 48 681 تەڭگەدەن 52 089 تەڭگەگە دەيىن ءوستى. بۇعان قوسا مۇگەدەكتىك جانە اسىراۋشىسىنان ايىرىلۋ بويىنشا مەملەكەتتىك الەۋمەتتىك جاردەماقىلار 7%-عا كوبەيدى.
«ازاماتتارعا ارنالعان ۇكىمەت» مەملەكەتتىك كورپوراتسياسى» كەاق شىعىس قازاقستان وبلىسى بويىنشا فيليالى ديرەكتورىنىڭ ورىنباسارى ايجان اعىباەۆانىڭ ايتۋىنشا, وبلىستا 137 482 زەينەتكەردىڭ زەينەتاقىسى ارتتى.
– وبلىس بويىنشا 19 784 مۇگەدەكتىگى بويىنشا جاردەماقى الۋشى ازاماتقا, 8 731 اسىراۋشىسىنان ايىرىلۋ بويىنشا جاردەماقى الۋشىعا, 18 478 ارناۋلى مەملەكەتتىك جاردەماقى الۋشىعا, 1 755 بالا 1,5 جاسقا تولعانعا دەيىن ونىڭ كۇتىمى بويىنشا جاردەماقى الۋشى ازاماتتارعا, سونداي-اق 7 973 كوپبالالى وتباسىنا, «التىن القا», «كۇمىس القا» دارەجەسىمەن ماراپاتتالعان كوپبالالى 3 769 انالاردىڭ تولەمى ءوستى, – دەدى ايجان اعىباەۆا.
سونداي-اق مەملەكەتتىك كورپوراتسيامەن كورسەتىلەتىن 26 مەملەكەتتىك قىزمەت تۇرىنە ەلەكتروندى تۇردە ونلاين ءوتىنىش بەرۋگە بولاتىنىن, ول ءۇشىن قىزمەت الۋشىلاردىڭ ۇيالى تەلەفون نومىرلەرى مىندەتتى تۇردە ءموبيلدى ازاماتتار بازاسىنا (ماب) تىركەلۋى كەرەك ەكەنىن جەتكىزدى.
– ءبىزدىڭ زەينەتاقىمىز جىل سايىن ءوسىپ كەلەدى. ۋاقتىلى الىپ وتىرمىز. ءوزىم – «التىن القا» يەگەرىمىن. بۇل ءۇشىن دە قوسىمشا جاردەماقى الامىن. ەڭ باستىسى, اسپانىمىز تىنىش بولسىن! – دەيدى زەينەتكەر قاديشا احمەتوۆا.
شىعىس قازاقستان وبلىسى
