فوتو: police_ _astana, ينستاگرام.
ەلوردالىق مەكتەپ مۇعالىمى پوليتسياعا 9-سىنىپ وقۋشىسىنىڭ ۇزىلىستە باسقا وقۋشىلارعا مەكتەپ قابىرعاسىندا زاڭسىز ارەكەتتەردى جاساۋعا شاقىراتىن ءىس-شارالار تۋرالى پاراقشالار تاراتىپ جاتقانىن بايقاعانى تۋرالى پوليتسيانى قۇلاعدار ەتكەن. وقيعا ورنىنا جەدەل-تەرگەۋ توبى دەرەۋ جەتكەن. ءمان-جايدى انىقتاعان كەزدە ءجاسوسپىرىم ءازىل ءۇشىن كومپيۋتەردە ءماتىن جازعانىن جانە پاراقشالاردى باسىپ شىعارعانىن مويىنداعان.
سونىمەن قاتار وقۋشىنىڭ زاڭدى وكىلدەرىنە قاتىستى «كامەلەتكە تولماعان ادامدى تاربيەلەۋ جانە (نەمەسە) وعان ءبىلىم بەرۋ, ونىڭ قۇقىقتارى مەن مۇددەلەرىن قورعاۋ جونىندەگى مىندەتتەردى ورىنداماۋى» قر اقبتك-ءنىڭ 127-بابى بويىنشا اكىمشىلىك ءىس قوزعالدى. استانا قالاسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنىڭ شەشىمىمەن كامەلەتكە تولماعاننىڭ اناسىنا ايىپپۇل سالىندى.
پوليتسيا دەپارتامەنتى مۇنداي ارەكەتتەر ءۇشىن قىلمىستىق جاۋاپكەرشىلىك 14 جاستان باستالاتىنىن ەسكە سالادى. بالالاردى تاربيەلەۋ بويىنشا ءتيىستى شارالاردى قابىلداماعانى ءۇشىن اتا-انالار قولدانىستاعى زاڭناماعا سايكەس اكىمشىلىك جاۋاپكەرشىلىككە تارتىلادى.
