فوتو: tengrinews.kz
الماتىدا بولعان جەر ءدۇمپۋى اۋە قوزعالىسىن باسقارۋدىڭ اۆتوماتتاندىرىلعان جۇيەسىنىڭ «مۇناراسىندا» ايتارلىقتاي سەزىلگەن. اەرودروم اۋدانىندا قونۋعا بەت العان 5 اۋە كەمەسى بولعان, ونىڭ بىرەۋى قونىپ ۇلگەرگەن.
«4 اۋە كەمەسىنە جەر سىلكىنىسى تۋرالى حابار بەرىلىپ, اەرودروم ايماعىندا كۇتۋ ۇيىمداستىرىلدى. كەيىنىرەك اەرودرومدى باسقارۋ ورتالىعىنىڭ باسشىسى مۇنارادان ەۆاكۋاتسيالاۋعا شەشىم قابىلدادى. اەرودرومدى باسقارۋ ورتالىعىندا اۋە قوزعالىسىن باسقارۋ 20 مينۋتقا جالعاستى. ودان ءارى جەراستى دۇمپۋلەرى توقتاعان سوڭ, اەرودرومدى باسقارۋ ورتالىعى قايتادان جۇمىسىن باستادى», دەلىنگەن حابارلامادا.
قونۋى ءتيىس 4 ۇشاقتىڭ ءبىرى − استانا-الماتى باعىتىنداعى ەير استانانىڭ كس-856 رەيسىنىڭ ۇشاعى تۇركىستاننىڭ قوسالقى اەرودرومىنا قونعان. قالعان ۇشەۋى ەش قيىندىقسىز الماتى اۋەجايىنا قوندى.
«ساعات 00:39-دان باستاپ اۋەجاي شتاتتىق رەجىمدە جۇمىس ىستەي باستادى. قوسالقى اەدرومعا اتتانعان كس-856 رەيسى تۇركىستاننان ساعات 02.32-دە الماتىعا قايتا ۇشىپ, 03.34-تە ءساتتى قوندى», دەلىنگەن كوميتەت مالىمەتىندە.
