فوتو: gov.kz
جەرگىلىكتى اتقارۋشى ورگاندارمەن جانە تجم اۋماقتىق بولىمشەلەرىمەن بەينەكونفەرەنتسبايلانىس بارىسىندا تج ءمينيسترى «قازسەلدەنقورعاۋ» مم, ءىىم, قورعانىس مينيسترلىگى, جولدار مەن كوپىرلەر قىزمەتى (قازاۆتوجول), حيميالىق قىزمەت, مەديتسينالىق قىزمەت, كولىك قىزمەتى, بايلانىس قىزمەتىنىڭ باياندامالارىن تىڭدادى.
«سەيسمولوگيالىق باقىلاۋلار مەن زەرتتەۋلەردىڭ ۇلتتىق عىلىمي ورتالىعى» جشس سەيسميكالىق جاعدايدى باعالاۋىنا سايكەس جاقىن ارادا الماتى بولجامدىق پوليگونىنىڭ اۋماعىندا MSK-64K سەيسميكالىق شكالاسى بويىنشا قارقىندىلىعى 7 بالدان اساتىن جەر سىلكىنىسى كۇتىلمەيدى.
جەدەل شتابتاردا ۇيىمداستىرىلعان جەدەل جەلى تەلەفوندارىنا ازاماتتاردان 377 قوڭىراۋ كەلىپ تۇسكەن.
«قازسەلدەنقورعاۋ» مم اقپاراتىنا سايكەس الماتى قالاسى, الماتى, جامبىل, تۇركىستان جانە جەتىسۋ وبلىستارى بويىنشا بارلىق بەكەتتەر باقىلاۋ مەن دەرەكتەردى بەرۋدىڭ جەدەلدەتىلگەن رەجيمىنە اۋىستىرىلدى. بەكەتتەردىڭ جالپى سانى - 76. جۇرگىزىلگەن زەرتتەۋ ناتيجەلەرى بويىنشا جەر سىلكىنىسى سەلدەن قورعاۋ قۇرىلىستارىنا تەرىس اسەر ەتپەگەن. سۋ رەجيمىندە ەشقانداي وزگەرىس جوق. سىرعىمالار مەن كوشكىندەردىڭ ءجۇرۋى تۋرالى اقپارات تۇسپەگەن. تەكسەرۋلەر جالعاسىپ جاتىر.
قارۋلى كۇشتەردىڭ كۇشتەرى مەن قۇرالدارى تۇراقتى ورنالاسۋ پۋنكتتەرىندە تۇر.
كولىك قىزمەتى الماتى قالاسىنىڭ اۋەجايى شتاتتىق رەجيمدە جۇمىس ىستەيتىنىن مالىمدەدى. قازىرگى جاعدايدا كەزەكشى اۋىسىم كۇتپەگەن جاعدايلار جوسپارىنا سايكەس ارەكەت ەتتى.
قوعامدىق ءتارتىپتى ساقتاۋ قىزمەتىنىڭ كۇشتەرى مەن قۇرالدارى قىزمەت اتقارۋدىڭ كۇشەيتىلگەن نۇسقاسىنا اۋىستىرىلدى.
وتىرىس سوڭىندا تج ءمينيسترى ءتيىستى ازاماتتىق قورعاۋ قىزمەتتەرىنە بىرقاتار تاپسىرما بەردى.
