فوتو: naryntany.kz
دەپۋتات اتاعانداي, ءبىر جىل ىشىندە وتباسىلىق تۇرمىستىق زورلىق-زومبىلىق دەرەگى بويىنشا 99 مىڭنان استام ءوتىنىش كەلىپ تۇسكەن.
«2023 جىلى وتباسىلىق تۇرمىستىق زورلىق-زومبىلىق سالدارىنان 69 ايەل مەن 7 بالا قازا تاپتى. بالالارعا قارسى 2452 قىلمىس جاسالعان. ەشكىمدى بەي-جاي قالدىرماعان بىرنەشە رەزونانستىق جاعدايلار بولعان», دەدى سەناتور.
ول زاڭدى تالقىلاۋعا قوعام بولىپ قاتىسۋعا شاقىردى.
«پرەزيدەنت اتاپ وتكەندەي «ەگەر قوعامدا اگرەسسيا مەن زورلىق-زومبىلىقتىڭ كەز كەلگەن تۇرىنە «مۇلدەم توزبەۋشىلىك» بولماسا, كەز كەلگەن زاڭنامالىق وزگەرىستەر ءتيىمدى بولمايدى». وتباسى ينستيتۋتىن نىعايتۋ, ءوسىرۋ, ادام قۇقىقتارى مەن جەكە تۇلعانى قۇرمەتتەۋ, ىشكى ءوزارا سىيلاستىق - ەگەر وسى كومپونەنتتەردىڭ بارلىعى تەپە-تەڭدىكتە بولسا, وندا وتان سول جەردەن باستالادى. قاسيەتتى جانە مىزعىماس ادام قۇقىقتارىن قالىپتاستىرۋ قاجەت. قازاقستان ازاماتتارىندا مەيىرىمدىلىكتىڭ, ءوزارا توزىمدىلىكتىڭ, سەزىمتالدىق پەن سىيلاستىقتىڭ بىرەگەي مادەنيەتى قالىپتاسقان جانە بۇل ءبىزدىڭ قوعامىمىزدىڭ اسا قۇندى ەرەكشەلىگى. ءبىز وتە جارقىن جانە قاراپايىم ادامدارمىز. بىزگە وتباسىلىق جانە تۇرمىستىق زورلىق-زومبىلىق جاعدايىن تۇزەتۋ كەرەك. ءماجىلىس پەن سەناتتاعى زاڭدى تالقىلاۋعا قوسىلىڭىز, ونى قورعاۋ قاجەت, ال قوعامنىڭ قولداۋىنسىز دەپۋتاتتارعا قيىن بولادى», دەپ جازدى ول.
