قاندىقول ەكى قىلمىسكەر بوستاندىققا شىعادى. پەتروپاۆل تۇرعىندارى الاڭداۋلى

ۆالەري كريچينەۆسكي, الەكساندر ليۋتوۆ ەسىمدى ەكى جازا وتەۋشىنىڭ قىلمىستارى ۇقساس. ەكەۋى دە بەيمىزگىل ۋاقىتتا جالعىز جۇرگەن ايەلدەر مەن بالالاردى اڭدىپ, بالتامەن ۇرىپ-سوعىپ, زورلىق كورسەتىپ, توناۋمەن اينالىسقان. ولاردىڭ قاسقوي ارەكەتىنەن تىل تارتپاي اجال قۇشقاندار دا بار.

61 جاستاعى ۆالەري كريچينەۆسكي اۋىر قىلمىستارى ءۇشىن 1999 جىلى 25 جىلعا باس بوستان­دىعىنان ايىرىلسا, 51 جاستاعى الەكساندر ليۋتوۆ 20 جىلعا جازاعا تارتىلعان. ا.ليۋتوۆ 2016 جىلى 17 جىل وتىرعاننان كە­يىن ونى شارتتى مەرزىممەن تۇر­مەدەن دە شىعارادى. بىراق ليۋ­­توۆ بوستاندىققا شىققاننان كە­يىن تاعى قىلمىسقا بارادى, 19 جاس­تاعى بويجەتكەنگە شابۋىل جاسا­عان. بۇل جولى سۋديا ميحايل گۋسەۆ وعان بار بولعانى 3 جىل عانا جازا كە­سەدى. جاسى 50-دەن جاڭا عانا اس­قان, پسيحيكاسى كىسى ولتىرۋگە قۇ­مار­تىپ تۇراتىن قاسكوي ەرتەڭ تاعى بى­رەۋ­دىڭ قانىن موينىنا جۇكتە­مەسىنە كىم كەپىل؟ ول بيىل ساۋىردە بوستاندىققا شىققالى وتىر.

قازىر پەتروپاۆل تۇرعىندارى وزدەرىنىڭ, جاقىندارىنىڭ, اسىرەسە بالالارىنىڭ ءومىرى ءۇشىن الاڭداۋلى وتىر. وبلىستىق پوليتسيا دەپار­تامەنتىنىڭ باسشىسى, پولكوۆنيك ا.قابىلدينوۆ ولاردى تى­نىشتاندىرۋعا تىرىسىپ باقتى. ونىڭ ايتۋىنشا, ۋچاسكەلىك پو­لي­تسيا ينسپەكتورى دا, جەدەل ۋاكىل دە تۇزەۋ مەكەمەسىنەن شىق­قانداردىڭ ءجۇرىس-تۇرىسىن كوزدەن تاسا قىلمايدى.

ايتا كەتەيىك, گازەتتىڭ بۇگىنگى سانىندا سولتۇستىك قازاقستان وبلىسى بويىنشا مەنشىكتى ءتىلشى جاقسىباي سامراتتىڭ «قىلمىسكەر تۇرمەدەن شىقسا...» اتتى ماقالاسى جاريالاندى. دەرەكتەر سول ماقالادان الىندى.