فوتو: caspianlife.kz
جەتىسۋ پروكۋرورلارى ەكى ايەلدىڭ سوتقا جالعان انىقتاما, جۇكتىلىگى تۋرالى ۋلترادىبىستىق قورىتىندى قاعازىن ۇسىنعانىن انىقتادى.
مۇنداي انىقتامالار كودەكستىڭ 50-بابىنا سايكەس تۇلعالاردى قاماۋعا الۋ جاعدايىن توقتاتادى.
سونداي-اق ايماقتاعى اۋدان اكىمدىگىنىڭ ءبىر ءبولىم باسشىسى دا جالعان انىقتاما ۇسىنعانى بەلگىلى بولدى. ول جاۋاپكەرشىلىكتەن جالتارۋ ماقساتىندا كامەلەتكە تولماعان بالام بار دەپ كورسەتكەن.
ال اۋداندىق سوت ونى اتالعان انىقتاما نەگىزىندە قاماۋدان بوساتقان.
پروكۋراتۋرانىڭ تەكسەرۋى ونىڭ ۋاجدەرىن جوققا شىعاردى. ول بەرگەن دەرەكتەردى تەكسەرگەندە كامەلەتكە تولماعان بالاسى بولماعانى انىقتالدى.
«بەلگىلى بولعان دەرەكتەر نەگىزىندە سوت اكتىلەرى قايتا قارالىپ, قاماۋعا الۋ تۇرىندەگى بۇلتارتپاۋ شاراسى قابىلداندى. ۋاكىلەتتى ورگاندار رەسمي قۇجاتتاردى قولدان جاساۋ فاكتىلەرى بويىنشا دا سوتقا دەيىنگى تەرگەپ-تەكسەرۋ جۇمىستارىن باستادى», دەدى جەتىسۋ وبلىسىنىڭ پروكۋرورى ماديار باسشىباەۆ.
