فوتو: شىعىس قازاقستان وبلىسى اكىمدىگىنىڭ ءباسپاسوز قىزمەتى
ەستەرىڭىزگە سالا كەتەيىك, 2024 جىلدىڭ 7 قاڭتارىنان باستاپ كۇرشىم اۋدانىندا قارمەن بوران توقتاماي تۇر. كەيبىر جەرلەردە قاردىڭ قالىڭدىعى 1.8-2 مەترگە جەتتى. مارقاكول جانە توسقايىڭ اۋىلدىق وكرۋگتەرىنىڭ ەلدى مەكەندەرىنە كولىكتىڭ قاتىناسۋى مۇمكىن ەمەس.
قاردىڭ ءتۇسۋ نورمالارىنىڭ اسىپ كەتۋىن جانە ەلدى مەكەندەرگە كولىك قاتىناسىنىڭ بولماۋىن ەسكەرە وتىرىپ, كۇرشىم اۋدانىنىڭ اكىمدىگى جەرگىلىكتى اۋقىمداعى تابيعي سيپاتتاعى توتەنشە جاعداي جاريالادى.
شقو كولىك جانە اۆتوموبيل جولدارى باسقارماسى ماماندارىنىڭ دەرەكتەرى بويىنشا جول ءجۇرۋدى قامتاماسىز ەتۋ ءۇشىن قوسىمشا تەحنيكا جونەلتىلدى. قازىرگى ۋاقىتتا ارنايى تەحنيكانىڭ 24 بىرلىگى جۇمىلدىرىلعان. الايدا بورانعا بايلانىستى جۇمىس ىستەۋ قيىندىق تۋدىرىپ تۇر.
سونداي-اق, كۇرشىم اۋدانىنا قاجەتتى كومەك كورسەتۋ ءۇشىن شقو بويىنشا تج دەپارتامەنتىنىڭ جوعارى وتپەلى تەحنيكاسى كەلدى.
مارقاكول جانە توسقايىڭ اۋىلدىق وكرۋگتەرى مەكتەپتەرىنىڭ وقۋشىلارى 8 قاڭتاردان باستاپ قاشىقتىقتان وقىتۋ فورماتىنا اۋىستىرىلدى.
قولايلى اۋا رايى جاعدايلارى بەلگىلەنگەننەن كەيىن, 16 قاڭتاردا اۋىلدىق وكرۋگتەردىڭ تۇرعىندارىنا قاجەتتى ازىق-ت ۇلىك پەن دارىلىك زاتتاردى جەتكىزۋ ءۇشىن تىكۇشاق جىبەرىلدى.
جاعداي جەرگىلىكتى اتقارۋشى ورگانداردىڭ باقىلاۋىندا.
