فوتو: بقو «بايگە» فەدەراتسياسى. ينستاگرام
اتالعان تۇلپاردى قازاقستانعا 2021 جىلى 1.5 جاسىندا نادير حاسانوۆ دەگەن اتبەگى امەريكادان ءوزىنىڭ دوسىنا الماتىعا اكەلىپ بەرگەن. ونىڭ ايتۋىنشا, العاشقى جارىسىن الماتى يپپودرومىندا باستاعان جۇيرىكتى رۋسلان يۋلداشەۆ دايىنداعان. سول جىلى كاۆەرحان ۇشقىر بايگەدە ءۇش رەسمي ستارت جاساپ, جۇلدەگەر اتانعان. ءسويتىپ ءوز قاشىقتىعىندا ەكى جاستاعى ارعىماقتار اراسىندا قازاقستاننىڭ ەڭ ۇزدىك ۇشقىرى اتانعان.
كەيىن ونى بايگە ناۋقانى اياقتالعان سوڭ ورالدىق تىلەك مۇحامبەتقاليەۆ ساتىپ الىپ, رەسەيگە الىپ كەتەدى. رەسەيدە كاۆەرحاندى ارىستانگەرەي شاۆۋەۆ ەسىمدى جاتتىقتىرۋشى دايىنداپ, رەسەيدە ەكى رەت دەربيدىڭ ۇزدىگى اتاندىرادى. جالپى ول جاقتا التى ستارت جاساپ, ونىڭ بەسەۋىندە ءبىرىنشى بوپ كەلگەن. سوڭعى بۇكىلرەسەيلىك باس دەربيدە عانا حەرومو اتتى تۇلپاردان كەيىن ەكىنشى بوپ كەلگەن ەكەن.
2023 جىلدىڭ قاراشا ايىندا ات يەسى كاۆەرحاندى دۋبايداعى بايگەلەرگە سىناۋعا الىپ بارادى. دۋبايداعى جاتتىقتىرۋشىسى – دۋگلاس ۋوتسون.
ايتارلىعى 85-105 رەيتينگىندەگى تۇلپارلارعا ارنالعان گانديكاپ بايگەسىندە كاۆەرحان رەسەيدە قالىپ قويعان حەرومودان وزا شاپتى. وزگە قارسىلاستارى دا وسال ەمەس, ولار ءار ءتۇرلى ەلدەردەن كەلىپ, دۋبايدا ءبىر جىلعا جۋىق دايىندىقتا تۇرعان. كاۆەرحان ول جاقتا نەبارى ەكى ايداي عانا دايىندالىپ شاپقان ەكەن.
ەندى كاۆەرحاننىڭ الدىندا تاعى ءبىر وسىنداي بايگە تۇر. سول جەردە ۇزدىك اتانسا بۇكىلالەمدىك كۋبوك ءۇشىن باق سىنايدى.
كاۆەرحاننىڭ جەڭىسى – جايىق ءوڭىرىنىڭ تۋماسى, بەلگىلى اتبەگى تىلەك مۇحامبەتقاليەۆتىڭ ەسىمىن الەمدىك سپورت تاريحىنا جازدى.
