فوتو: ريا نوۆوستي
پورتالدىڭ مالىمەتىنشە, امەريكا-بريتانيالىق اسكەري وپەراتسيا يەمەندەگى حودەيدو پورتىنا باعىتتالعان.
وداقتاستار بۇدان بولەك ەلدىڭ ءار ايماعىنداعى 23 نىسانعا بومبا ارقىلى اۋەدەن شابۋىل جاساعان.
ونىڭ تورتەۋى ەل استاناسى سانانىڭ اۋە-بازاسىندا;
حودەيدا اۋەجايىنا 8 شابۋىل;
سااد قالاسىنداعى اسكەري بازاعا 3 شابۋىل;
سەگىز شابۋىل تايز قالاسىنىڭ ءال-جاند اۋدانىندا;
22-ءشى بومبىلاۋ مەحانيكالاندىرىلعان بريگادا لاگەرىنە;
ءال-حاۋبان اۋدانىنداعى اۋەجايعا اۋەدەن سوققى بەرگەن.
رەسمي ۆاشينگتون مەن لوندون حۋسيت نىساندارىن اتقىلاۋعا قاتىستى اقپاراتتى راستادى.
ولار بۇل سوققىلار 9 قاڭتاردا ەلدىڭ كوممەرتسيالىق كەمەلەرىنە جاسالعان شابۋىلعا جاۋاپ دەپ ءۇن قاتتى.
«دۇشپاندارىمىز ءبىزدىڭ ەڭ ماڭىزدى كوممەرتسيالىق مارشرۋتتارىمىزدىڭ بىرىندە قوزعالىسقا قاۋىپ ءتوندىردى. بۇل سوققىلار امەريكا قۇراما شتاتتارى مەن وداقتاستارى ءبىزدىڭ قىزمەتكەرلەرگە جاسالعان شابۋىلدارعا جول بەرمەيتىنىنەن حابار بەرەدى. سونداي-اق ولار قىزىل تەڭىزدەگى حالىقارالىق تەڭىز كەمەلەرىنە بۇرىن-سوڭدى بولماعان شابۋىلدار جاسادى, سونىڭ ىشىندە تاريحتا العاش رەت كەمە بالليستيكالىق زىمىراندارىن پايدالانعانىنا تىكەلەي جاۋاپ», دەدى اقش پرەزيدەنتى دجو بايدەن.
ۇلىبريتانيا پرەمەر-ءمينيسترى ريشي سۋناك تا وسى مازمۇندا پىكىر بىلدىرگەن.
«امەريكا قۇراما شتاتتارى, نيدەرلاندى, كانادا جانە باحرەيننىڭ قولداۋىمەن ءبىز حۋسيتتەردىڭ اسكەري كۇشىن السىرەتۋ جانە جاھاندىق كەمە قاتىناسىن قورعاۋ ءۇشىن شەكتەۋلى, قاجەتتى شارالار قابىلدادىق», دەدى ريشي سۋناك.
ال «انسار اللا» قوزعالىسىنىڭ (حۋسيتتەر) وكىلدەرى حاماس-قا قولداۋ كورسەتۋ ءۇشىن ايماقتاعى تەڭىز مارشرۋتتارىنا شابۋىل جاساعان. حۋسيتتەر يزرايلمەن بايلانىستى نەمەسە يزرايل پورتتارىنا بەت العان كەمەلەرگە جاسالاتىن شابۋىلدى دوعارماۋعا بەكىنىپ وتىر.
