فوتو: POLICE_of_KZ
پوليتسەيلەر قىزىلوردا وبلىسىنىڭ تۇرعىنىن الەۋمەتتىك جەلىلەردە جەكە سيپاتتاعى مالىمەتتەردى جاريالايمىن دەپ قورقىتقان بوپسالاۋشىلار توبىن ۇستادى.
كۇدىكتىلەر دەرەكتەردى جاريا ەتپەۋ ءۇشىن جابىرلەنۋشىدەن 7 ملن تەڭگە تالاپ ەتكەن.
«وسى فاكتى بويىنشا قىزىلوردا وبلىسىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جەدەل-ىزدەستىرۋ ءىس-شارالارىن جۇرگىزىپ, ناتيجەسىندە تاۋلىكتىك كەزەكشىلىك كەزىندە كۇدىكتى رەتىندە 34, 32, 22 جاستاعى وبلىس تۇرعىندارى ۇستالدى. ايعاقتى زات رەتىندە ولاردان اقشا, سيگنالدىق تاپانشا جانە جالعان قىزمەتتىك كۋالىك الىندى. قازىرگى تاڭدا جابىرلەنۋشىنىڭ نامىسىنا تيەتىن اقپاراتتى تاراتامىن دەپ قورقىتىپ, الدىن الا ءسوز بايلاسۋ ارقىلى ءبىر توپ ادام جاساعان بوپسالاۋ فاكتىسى بويىنشا سوتقا دەيىنگى تەرگەۋ امالدارى باستالدى», دەپ جازىلعان اقپاراتتا.
قوماقتى قارجى بوپسالاعان كۇدىكتىلەر ۋاقىتشا ۇستاۋ يزولياتورىنا قامالدى.
