شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, جول-كولىك وقيعاسى 2 قاڭتاردا «وسكەمەن-شەمونايحا» تاسجولىنىڭ سەگىزىنشى شاقىرىمىندا بولعان.
«ۋۆاروۆو اۋىلىنا بۇرىلىسقا جاقىن جەردە Toyota Corona Premio مەن Tayota Vista كولىكتەرى سوقتىعىسقان. سونىڭ سالدارىنان ءتورت ادام قازا بولدى. ونىڭ ەكەۋى كامەلەت جاسىنا تولماعان», دەپ حابارلادى ۆەدومستۆو وكىلدەرى.
قازىرگى ۋاقىتتا اتالعان فاكتى بويىنشا قر قىلمىستىق كودەكستىڭ 345- بابى 4-بولىگىمەن (ابايسىزدا ەكى نەمەسە ودان كوپ ادامنىڭ ولىمىنە اكەپ سوققان جول قوزعالىسى ەرەجەلەرىن بۇزۋ) سوتقا دەيىنگى تەرگەۋ امالدارى جۇرگىزىلىپ جاتىر. ءتيىستى ساراپتامالار تاعايىندالعان. وقيعانىڭ ءمان-جايى انىقتالىپ جاتىر.
