– ەگەمەندىك پەن تەڭدىكتى قاستەرلەي بىلگەن ەلىڭىز بۇگىندە ءوزىنىڭ ساياسي-ەكونوميكالىق تۇراقتىلىعى مەن حالىقارالىق بەدەلىن ارتتىرۋدا قوماقتى جەتىستىكتەرگە قول جەتكىزۋدە. وسى تۇستا وتانىڭىز باياندى دامۋىن جالعاستىرىپ, بيىك ماقسات-مۇراتتارعا جەتە بەرۋىنە شىنايى تىلەكتەسپىن. كاريب باسسەينىندەگى قازاقستاننىڭ جاقىن ءارى سەنىمدى سەرىكتەسى كۋبامەن ىقپالداستىعى حالىقتارىمىزدىڭ يگىلىگى ءۇشىن الداعى ۋاقىتتا دا تەرەڭدەي تۇسەتىنىنە كامىل سەنىمدىمىن, – دەپ جازىلعان جەدەلحاتتا.
قاسىم-جومارت توقاەۆ ميگەل ماريو دياس-كانەل بەرمۋدەستىڭ اسا جاۋاپتى قىزمەتىنە تولاعاي تابىس, ال دوستاس كۋبا حالقىنا قۇت-بەرەكە تىلەدى.