بيىل 6 – حالىقارالىق, 34 – رەسپۋبليكالىق كورمەلەردىڭ اراسىنان يسپانيا, يتاليا, فرانتسيا, جاپونيا, وڭتۇستىك كورەيا ەلدەرى ەلشىلىكتەرىمەن بىرگە ۇيىمداستىرىلعان حالىقارالىق كورمەلەردى ەرەكشە اتاپ وتۋگە بولادى.
مۋزەي عىلىمي قىزمەتكەرلەرى 6 مونوگرافيا, 1 كاتالوگ, 4 جيناق, 129 عىلىمي ماقالا جاريالاعان, ونىڭ ىشىندە حالىقارالىق Scopus بازاسىنا 11 ماقالا ەنگەن.
جازعى ماۋسىمدا وتكەن 8 ارحەولوگيالىق, 3 ەتنوگرافيالىق ەكسپەديتسيا جۇمىستارى قاتارىندا گەرمانيانىڭ تيۋبينگەن ۋنيۆەرسيتەتىمەن, رەسەي عىلىم اكادەمياسى ءسىبىر ءبولىمىنىڭ ارحەولوگيا ينستيتۋتىمەن (نوۆوسيبيرسك قالاسى), «وتانداستار قورى» كەاق-پەن بىرلەسكەن حالىقارالىق ەكسپەديتسيالار بار.
مۋزەي قورىنا تۇراقتى ساقتاۋ ءۇشىن 1 009 بىرلىك زات ءتۇسىپ, كونسەرۆاتسيالاۋ جانە قالپىنا كەلتىرۋ قىزمەتىنىڭ ماماندارى 443 دانا ەكسپوناتتى قايتادان قالپىنا كەلتىرگەن.
11 مۋزەي قىزمەتكەرى مادەنيەت جانە اقپارات مينيسترلىگىنىڭ قولداۋىمەن 19 ماۋسىم – 24 قاراشادا رەسەي فەدەراتسياسىنىڭ ماسكەۋ قالاسىنداعى مەملەكەتتىك قالپىنا كەلتىرۋ عىلىمي-زەرتتەۋ ينستيتۋتىندا, قازان فەدەرالدى ۋنيۆەرسيتەتىندە كاسىبي بىلىكتىلىكتەرىن جەتىلدىرۋگە مۇمكىندىك الدى.
عىلىمي تۇرعىداعى تاعى ءبىر ايتار جەتىستىك – «مادەني مۇرا» جۋرنالىنىڭ رەسمي سايتى اشىلدى. 20 جىلدان استام تاريحى بار جۋرنال 2020 جىلى مادەني-تانىمدىق سيپاتتان عىلىمي باعىتقا اۋىستىرىلعان ەدى.
13 ساۋىردە ۇلتتىق مۋزەيىندە ەلىمىزدىڭ ەجەلگى تاريحىن ناسيحاتتاۋ ماقساتىندا «پالەونتولوگيا» زالى مەن حالقىمىزدىڭ ۇلتتىق ساندىك-قولدانبالى ونەرى مەن قولونەرىن ساقتاۋ, زەردەلەۋ جانە ناسيحاتتاۋ ماقساتىندا قولونەرشىلەر ورتالىعى اشىلدى.
27 قازاندا ۇلتتىق مۋزەي تاريحىندا العاش رەت قازاقستان مۋزەي قىزمەتكەرلەرىنىڭ ءى كونگرەسى ۇيىمداستىرىلىپ, وعان ەلىمىزدىڭ 60 مۋزەيىنەن 200-گە جۋىق مامان قاتىستى.
«مۋزەيدەگى مەكتەپ كۇنى» پيلوتتىق مادەني-اعارتۋشىلىق جوباسى جالعاسىپ, 2023 جىلى جوبا شەڭبەرىندە بارلىعى 80 ساباق وتكىزىلىپ, 1 548 وقۋشى قاتىسقان.
2023 جىلى ۇلتتىق مۋزەيدى تاماشالاۋشىلار كوبەيىپ, ولاردىڭ سانى 587 مىڭ 874 ادامعا, ياعني, رەكوردتىق كورسەتكىشكە جەتتى.
