فوتو: ۇقك ءباسپاسوز قىزمەتى
كوميتەت وكىلدەرى حابارلاعانداي, تەرگەۋ ارەكەتتەرى بارىسىندا كۇدىكتىنىڭ تۇرعىلىقتى جەرى بويىنشا ءدىني ادەبيەتتەر تاركىلەندى.
قىلمىستىق كودەكستىڭ 256-بابى 2-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
«بۇرىن ۇستالعان ادامعا قىلمىستىق قۋدالاۋعا اكەپ سوعۋى مۇمكىن زاڭسىز ارەكەتتەرگە جول بەرمەۋى تۋرالى بىرنەشە رەت ەسكەرتىلگەن. وعان رەسمي ساقتاندىرۋ جاريالانعان. الدىن الۋ شارالارىنا قاراماستان, ول قىلمىستىق ارەكەتىن جالعاستىردى», دەلىنگەن رەسمي حابارلامادا.
قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى.
«ۇلتتىق قاۋىپسىزدىك كوميتەتى الەۋمەتتىك جەلىلەردە تاراتىلاتىن راديكالدى يدەولوگيانىڭ, اسىرەسە جاستارعا دەسترۋكتيۆتى اسەر ەتۋ قاۋپىن ەسكە سالادى. ەكسترەميستىك مازمۇنداعى ينتەرنەت-رەسۋرستارىنا كىرۋدەن باس تارتۋدى, ال اتا-انالارعا بالالاردىڭ راديكالدى سايتتارعا دەگەن قىزىعۋشىلىعىنا جاۋاپكەرشىلىكپەن دەن قويۋدى ۇسىنادى», دەپ قوستى ۇقك ءباسپاسوز قىزمەتى.
