ايتا كەتەيىك, اۋىل شارۋاشىلىعى مەن تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرى اۋىلدىق وكرۋگتەرگە اۋقىمدى سكرينينگ جۇرگىزگەن بولاتىن. سكرينينگ ناتيجەلەرى بويىنشا ءار ەلدى مەكەننىڭ باعىتى انىقتالىپ, تسيفرلىق پلاتفورما ازىرلەندى.
«قاراجاتتى ءبولۋ كەزىندە ءار اۋداننىڭ ەرەكشەلىگىن ەسكەرگەن ءجون. ءبىزدىڭ باستى ماقساتىمىز – ازاماتتارعا ءوز كاسىبىن اشۋعا مۇمكىندىك بەرۋ نەمەسە جاڭا جۇمىس ورىندارىن قۇرۋ ارقىلى اۋىل تۇرعىندارىنىڭ تابىسىن ارتتىرۋ. سوندىقتان اكىمدىكتەر وسىعان باسا ءمان بەرۋى كەرەك», دەدى تامارا دۇيسەنوۆا.
اقتوبە وبلىسى اكىمىنىڭ ورىنباسارى ماۆر ابدۋللين وڭىردە جۇرگىزىلگەن جۇمىس ناتيجەلەرى تۋرالى ايتىپ بەردى. ونىڭ ايتۋىنشا, وبلىستاعى وزەكتى ماسەلەلەردىڭ ءبىرى – يمپورتقا تاۋەلدىلىك. سوندىقتان ءارى قاراي بىرقاتار باعىت بويىنشا ءونىم ءوندىرۋ قولعا الىنباق. ماسەلەن, مال شارۋاشىلىعى بويىنشا 2,5 مىڭنان اسا, وسىمدىك شارۋاشىلىعى بويىنشا 264, قۇس شارۋاشىلىعى بويىنشا 285 جوبا ۇسىنىلىپ وتىر.
وبلىس اكىمىنىڭ ورىنباسارى ۇيىمداسقان شارۋاشىلىقتاردان ءۇي جانۋارلارىن ساتىپ الۋدى ەرەجەگە ەنگىزۋدى ۇسىندى, بۇل رەتتە ولار ساتۋ وپەراتورلارى رەتىندە بەلگىلەنبەك. وسىلايشا, باعدارلاماعا قاتىسۋشىلار اراسىندا مالدى الىپ-ساتۋ فاكتىلەرىنىڭ الدى الىنباق. سونداي-اق ءوڭىر جەكە قوسالقى شارۋاشىلىقتاردى جۇمىس ىستەپ تۇرعان ءىرى فەرمەرلىك شارۋاشىلىقتار مەن قايتا وڭدەۋ كاسىپورىندارى اينالاسىندا شوعىرلاندىرۋعا باسا ءمان بەرمەكشى.
ايتا كەتەيىك, تۇرعىنداردىڭ تابىسىن ارتتىرۋ باعدارلاماسى وڭىردە جۇمىسسىزدار سانىن 1 210-عا, ال اتاۋلى الەۋمەتتىك كومەك الۋشىلار قاتارىن 157 ادامعا قىسقارتۋعا جول اشتى.
باتىس قازاقستان وبلىسى دا ءوز تۇرعىندارىن ازىق-ت ۇلىك ونىمدەرىمەن قامتاماسىز ەتۋگە نيەتتى. ءوڭىر باسشىسىنىڭ ورىنباسارى قاليار ايتمۇحامبەتوۆتىڭ سوزىنشە, قازىردە ءوڭىر ءوزىن الەۋمەتتىك ماڭىزى بار ازىق-ت ۇلىك تاۋارلارىنىڭ سەگىز تۇرىمەن تولىق قامتىپ وتىر. ەندى «اۋىل اماناتى» باعدارلاماسىنىڭ كومەگىمەن ازىق-ت ۇلىكتىڭ تاعى جەتى ءتۇرى بويىنشا كورسەتكىشتەردى جاقسارۋدى كوزدەپ وتىر.
جوبا اياسىندا باستاپقىدا قارجى كوبىنە شيكىزات بازاسىن قۇرۋعا باعىتتالماق بولعان, ەندى ايماق قايتا وڭدەۋگە باسىمدىق بەرمەك. كەلەر جىلعا وبلىس سوماسى 8 ملرد تەڭگە بولاتىن 1 345 جوبا جوسپارلاپ وتىر. ونىڭ باسىم بولىگىن مال مەن قۇس شارۋاشىلىعىنا باعىتتاۋ كوزدەلىپ وتىر.
«اۋىل اماناتى» جوباسى بويىنشا الىنعان ءار مالعا چيپ ورناتىلۋى كەرەك. وسىلايشا, قاراجاتتى ماقساتىنا ساي پايدالانۋ جاعى باقىلاۋدا بولماق. ەلدى مەكەندەر اراسىنداعى قاشىقتىقتى ەسكەرە وتىرىپ, اۋىلدىق وكرۋگتەردە اۋىل شارۋاشىلىعى كووپەراتيۆتەرىن قۇرۋ اۋىل شارۋاشىلىعى جەرلەرىنىڭ الەۋەتىن ءتيىمدى پايدالانۋعا كومەكتەسەدى.
تۇركىستان وبلىسىنىڭ جوسپارى ءسال وزگەشە. بيىل «اۋىل اماناتى» جوباسىنا 64 اۋىلدىق وكرۋگ قاتىسقان. ارالىق ناتيجەلەرگە سايكەس 3,5 مىڭنان اسا جۇمىس ورنى قۇرىلىپ, اتاۋلى الەۋمەتتىك كومەك الۋشىلار ساناتىنان 340 ادام شىقتى. اۋىل شارۋاشىلىعى ونىمدەرىن وڭدەيتىن 19 جاڭا نىسان اشىلىپ, 328 جىلىجاي قۇرىلىسى قارجىلاندىرىلدى. ازاماتتاردىڭ ءوز كاسىبىن اشۋىنا 120-دان اسا جوبا ماقۇلداندى.
تۇركىستان وبلىسى اكىمىنىڭ ورىنباسارى ەرمەك كەنجەحان ۇلىنىڭ سوزىنشە, كەلەسى كەزەڭدە باسقا ەلدى مەكەندەردى قاراستىرۋ كوزدەلگەن. شيكىزاتتى قايتا وڭدەيتىن زاكىرلىك جوبالاردى قۇرۋعا باسا نازار اۋدارىلاتىن بولادى.
سونىمەن قاتار كەڭەس بارىسىندا نەسيەگە كەپىلدىك بەرۋ, وڭىرلەردەگى ينفراقۇرىلىمدى جاقسارتۋ ماسەلەلەرى قوزعالدى. ولاردىڭ بارلىعىن مۇددەلى مەملەكەتتىك ورگاندار قارايتىن بولادى.
