ءىس-شاراعا قاتىسقان ىشكى ىستەر مينيسترلىگىنىڭ اپپارات باسشىسى, پوليتسيا گەنەرال-مايورى وڭال بەكەەۆ مينيسترلىكتىڭ باستاماسىمەن وتكەن شىعارماشىلىق بايقاۋلار مەن جوبالاردىڭ جۋرناليستەر مەن قۇقىق تاقىرىبىندا قالام تارتىپ جۇرگەن جاستار اراسىندا تانىمال بولىپ كەلە جاتقانىن ايتتى. وعان دالەل – جىل سايىن قاتىسۋشىلار سانى دا ارتىپ كەلەدى.
– بيىل «پوگوندى جۋرناليست» جوباسى ءۇشىنشى جىل قاتارىنان ۇيىمداستىرىلدى. ونىڭ باستى ماقساتى – پوليتسيانىڭ قۇقىقتىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋدەگى قىزمەتىن بۇقارالىق اقپارات قۇرالدارىندا بەلسەندى جاريالاپ, ونىڭ اشىقتىعىن قامتاماسىز ەتۋ, جۋرناليستەرمەن ءوزارا ىنتىماقتاستىقتى نىعايتۋ. بيىل جوباعا رەسپۋبليكالىق جانە وڭىرلىك باق-تىڭ 63 ءجۋرناليسى قاتىسىپ, 90-نان استام ماتەريال باق پەن الەۋمەتتىك جەلىدە جاريالاندى. جوباعا قاتىسۋشى جۋرناليستەر پوليتسيانىڭ ءبىر كۇندىك ءومىرى تۋرالى جان-جاقتى ءارى قىزىقتى ماتەريالدار ازىرلەدى, – دەدى مينيسترلىكتىڭ اپپارات باسشىسى.
ونىڭ ايتۋىنشا, «مەنىڭ پوليتسيام» بالالار بايقاۋى تالانتتى بالالاردى قولداۋ, ولاردى وتباسىنا, ءوز ەلىنە دەگەن سۇيىسپەنشىلىككە باۋلۋ, بالالاردى پوليتسيانىڭ قىزمەتىنە باعدارلاۋ, قۇقىق بۇزۋشىلىققا قارسى دۇنيەتانىمدى قالىپتاستىرۋ ماقساتىندا ۇيىمداستىرىلعان. شىعارماشىلىق بايقاۋ «ۇزدىك ەسسە», «ۇزدىك تيكتوك», «ۇزدىك بەينەروليك/vine» اتالىمدارى بويىنشا بارلىق اۋماقتىق بولىنىستە وتكىزىلدى. «ىرىكتەۋ تۋرىنىڭ قورىتىندىسى بويىنشا بالالاردىڭ 70-كە جۋىق جۇمىسى «ۇزدىك» دەپ تانىلىپ, قازىلار القاسىنا ۇسىنىلدى. 21 بەينەماتەريال, 23 ەسسە, 18 تيكتوك جۇمىسىن تانىمال قالامگەرلەر, ءتىل ماماندارى مەن تەلەۆيزيا سالاسىنىڭ مايتالماندارى باعالاپ, ءادىل باعاسىن بەردى. بالالار «مەنىڭ اكەم – پوليتسەي», «پوليتسيا – قاۋىپسىزدىك پەن ءتارتىپتىڭ تىرەگى», «بەيبىت كۇننىڭ باتىرلارى», «ەسىرتكىگە جول جوق!», «مەكتەپتەگى قاۋىپسىزدىك», «بالا – باستى جولاۋشى» تاقىرىپتارىن ارقاۋ ەتىپ, ءوز شىعارمالارىن ۇسىندى», دەدى وڭال بەكەەۆ. جالپى, بالالار شىعارماشىلىعىنا ارنالعان بايقاۋ پوليتسەيدىڭ ءپوزيتيۆتى وبرازىن قالىپتاستىرۋعا جانە بالالاردىڭ پوليتسيا ماماندىعىنا دەگەن قىزىعۋشىلىعىن ارتتىرۋعا, سونداي-اق ۇرپاقتار ساباقتاستىعىن جالعاستىرۋعا سەپتىگىن تيگىزگەن.
سونىمەن «پوگوندى جۋرناليست» جوباسىنىڭ قورىتىندىسى بويىنشا «ەڭ كرەاتيۆتى جۋرناليست» ديپلومىمەن «Polisia.kz» مەديا-پورتالىنىڭ ءتىلشىسى اقمارال ماحامبەتالى, ال «كاسىبيلىك پەن جۋرناليستىك شەبەرلىگى ءۇشىن» ديپلومىمەن وسى جولداردىڭ اۆتورى ماراپاتتالدى.
«جىلدىڭ ۇزدىك جوباسى» ديپلومى «Bag.kz» اقپاراتتىق اگەنتتىگىنىڭ اعا ءتىلشىسى گۇلجان رامانقۇلوۆاعا بۇيىردى. ال «Egemen Qazaqstan» گازەتىنىڭ ءتىلشىسى جادىرا ءمۇسىلىم مەن «ساقشى» گازەتىنىڭ ءتىلشىسى گاۋھاراي ەسىموۆا «ۇزدىك ماقالا» ديپلومىنا يە بولدى.
«حابار» تەلەارناسى «ويان» تاڭعى باعدارلاماسىنىڭ ءتىلشىسى قاراكوز كەنجەباەۆا «ۇزدىك بەينەماتەريال», قازاق راديوسىنىڭ رەداكتور-جۇرگىزۋشىسى ازامات تىلەپوۆ «ۇزدىك اۋديو ماتەريال», «Polisia.kz» جۋرنالىنىڭ ءتىلشىسى ناتاليا موسۋنوۆا «ەڭ ۇتىمدى تاقىرىپ» ديپلومدارىمەن ماراپاتتالدى.
وسى كۇنى «كازاحستانسكايا پراۆدا» گازەتىنىڭ ءتىلشىسى اسەت سىزدىقوۆقا «قازاقستان پوليتسياسىنا 30 جىل» ەستەلىك توسبەلگىسى تابىس ەتىلدى. «يۋريديچەسكايا گازەتا» گازەتىنىڭ ءتىلشىسى لينارا ساقتاعانوۆاعا ءىىم-ءنىڭ قۇرمەت گراموتاسى بەرىلدى.
«مەنىڭ پوليتسيام» رەسپۋبليكالىق بالالار بايقاۋىنىڭ قورىتىندىسى بويىنشا «ۇزدىك بەينەروليك» اتالىمى بويىنشا ءىىى دارەجەلى ديپلوممەن استانا قالاسى №95 مەكتەپ-ليتسەيىنىڭ 5-سىنىپ وقۋشىسى ايزەرە قورعانبەكوۆا, «جاس قالام» اتالىمى بويىنشا ديپلوممەن استانا قالاسى «زەردە» مامانداندىرىلعان مەكتەپ-ليتسەيىنىڭ 9-سىنىپ وقۋشىسى ءنۇرالي كەنجەعوجا ماراپاتتالدى.
