بيىلعى ماۋسىم جەرلەستەرىمىز ءۇشىن تابىستى بولعانى انىق. ولاي دەۋگە نەگىز – قازاقستاننىڭ ۇلتتىق قۇراماسى توپتىق تۋرنيردەن ىركىلمەي ءوتىپ, كەلەسى جىلى وزبەكستاندا شىمىلدىعى تۇرىلەتىن الەم چەمپيوناتىنىڭ جولداماسىنا يەلىك ەتتى. ءبىر كەرەمەتى, اتالعان جارىستا ءبىزدىڭ جىگىتتەر نيدەرلاند, رۋمىنيا جانە ازەربايجاندى ەكى قايتارا ۇتىپ, 100 پايىزدىق كورسەتكىشكە يە بولدى. قازىرگى كەزدە قازاقستان (1 612 ۇپاي) ۇزدىكتەر تىزىمىندە جەتىنشى ورىندى يەلەنگەن. بىزدەن كەيىنگى ساتىلارعا يران (1 600), پاراگۆاي (1 499), يتاليا (1 440) جانە ۋكراينا (1 433) جايعاستى.
الەمدىك رەيتينگتى برازيليا قۇراماسى (1 837) جەكە-دارا باستاپ تۇر. ەكىنشى جانە ءۇشىنشى ورىنداردى يسپانيا (1 785) مەن پورتۋگاليا (1 745) ءبولىسىپ تۇر. ءتورتىنشى جانە بەسىنشى ساتىعا ارگەنتينا (1 741) مەن رەسەي (1 700) تۇراقتادى.
