اتى اڭىزعا اينالعان بوكسشى سەرىك نۇرقازوۆ ءىز-ءتۇزسىز جوعالىپ كەتتى

«قوعام» ەرىكتىلەر وتريادى ۇسىنعان اقپاراتقا سايكەس, 64 جاستاعى ەر ادام 14 جەلتوقساندا الماتىدا جوعالىپ كەتكەن.

«نازار اۋدارىڭىز! نۇرقازوۆ سەرىك, 04.10.1959 – تۋعان كۇنى. 14.12.2023 كۇنى لۋگانسك كوشەسىندەگى ءوز ۇيىنەن بەلگىسىز باعىتتا شىعىپ كەتىپ, ونىڭ قايدا ەكەنى قازىرگە دەيىن بەلگىسىز. كيىمى: سۇر ءتۇستى قالپاق, كوك ءتۇستى كۇرتە, اق ءتۇستى جەيدە, قارا ءتۇستى دجينسى شالبار. ەرەكشەلىكتەرى: شاشى – اق ءتۇستى, ساقالى بار.  جوعالعان ادام تۋرالى قانداي دا ءبىر مالىمەت بىلەتىن ادامدار مىنا نومىرگە حابارلاسسا دەپ وتىنەمىز: +7 702 712 79 22 نەمەسە @kogam_almaty», دەلىنگەن حابارلامادا.

ايتا كەتسەك, سەرىك توكەن ۇلى نۇرقازوۆ قاراعاندى وبلىسىندا تۋعان.

بوكستان كسرو ەڭبەك سىڭىرگەن سپورت شەبەرى. 1983 جىلى ريمدە وتكەن الەم كۋبوگىنىڭ كۇمىس جۇلدەگەرى. 1981 جىلى تامپەرادا وتكەن ەۋروپا چەمپيوناتىنىڭ قولا جۇلدەگەرى. 1983 جىلى ۆارنادا وتكەن ەۋروپا چەمپيونى. كسرو-نىڭ بىرنەشە دۇركىن چەمپيونى.

الماتى قالالىق پب وكىلدەرى قازىرگى ۋاقىتتا مەدەۋ اۋدانىنىڭ پوليتسيا باسقارماسى وسى فاكت بويىنشا ىزدەستىرۋ ءىسىن جۇرگىزىپ جاتقانىن حابارلادى.