«كىشكەنتاي كەپىلدەر»: 65 بالا جابىلىپ قالعان ەسىكتىڭ ارتىندا قالعان. تجلىقتاردىڭ ۋاقىتىلى كومەگى بالالاردى قيىندىقتان قۇتقاردى. سونىمەن قوسا وسكەمەندە ابايسىزدا اۆتوموبيل سالونىنىڭ ەسىگى جابىلىپ قالىپ, ونىڭ ىشىندە ءبىر جاسار بالا قالىپ قويىپ, اناسى «112» قىزمەتىنەن كومەك سۇراعان. سونداي-اق ريددەردە قىز بالا اعاشقا ورمەلەپ شىعىپ, كەرى تۇسە الماي قاتتى قورقىپ, جىلاپ وتىرعان كەزدە 14-ءوسب قۇتقارۋشىلارى 8 مەتر بيىكتىككە كوتەرىلىپ, بالانى قولىنا الىپ, جەرگە ءتۇسىردى. سونىمەن قاتار, شەمونايحا اۋدانىندا 28-ءوسب قىزمەتكەرلەرى اۋىرسىنا جىلاعان بالاعا جاردەمدەستى, ويتكەنى ونىڭ ساۋساعى بىلىك پەن ويىن الاڭىنداعى كارۋسەل مويىنتىرەگىنىڭ اراسىنا قىسىلىپ قالعان ەدى. سونداي-اق ءتورت جاسار بالانىڭ ساۋساعى كىر سەبەتىنىڭ ساڭىلاۋىنا جابىسىپ قالىپ, تج قىزمەتى قۇرالداردىڭ كومەگىمەن بالانىڭ ساۋساعىن بوساتتى.
«ەكسترەمالدى فوتو»: ريددەر قالاسىندا ءبىر توپ دوستار تاۋلى-ورماندى جەرگە بارىپ, ولاردىڭ ءبىرى ادەمى كورىنىستى سۋرەتكە ءتۇسۋ ءۇشىن بيىك اعاشقا ورمەلەۋدى ءجون كورگەن. الايدا اياعى تايىپ, قۇلاپ, اۋىر جاراقات العان. 1-ءموسب قىزمەتكەرلەرى ونى تاۋدان جەدەل جاردەم كولىگىنە دەيىن زەمبىلمەن تاسىمالدادى.
«ساقينا» وپەراتسياسى: 12 ايدىڭ ىشىندە 22 ادام ساۋساقتارىنان ساقينالاردى شەشىپ تاستاي الماي قۇتقارۋشىلاردان كومەك سۇراعان. كومەك ءدال ۋاقىتىلى بولعان, ويتكەنى وعان دەيىن ولاردىڭ كوبى جاعدايدى ۋشىقتىرىپ جىبەرگەن ەكەن.
