فوتو: اتىراۋ وبلىسى اكىمدىگى. تەلەگرام
«تاعى دا قۋانىشتى ءسات. بالالارىمىزدىڭ يگىلىگى ءۇشىن سالىنعان تاعى ءبىر بالاباقشا اشىلىپ جاتىر. مەملەكەت باسشىسى بالالارعا ساپالى ءبىلىم, سانالى تاربيە بەرىپ, جان-جاقتى جاعداي جاساۋ ءۇشىن بالاباقشا مەن مەكتەپتەردىڭ سانىن كوبەيتۋدى تاپسىردى. ءبىز قازىرگى ۋاقىتتا وبلىستاعى بالاباقشا سانىن كوبەيتىپ جاتىرمىز. الداعى بەس جىلدا 2-6 جاسقا ارنالعان 8000-عا جۋىق ورىندىق بوبەكجاي سالۋدى جوسپارلاپ وتىرمىز. وسىندا ءتالىم العان تاربيەلەنۋشىلەر ەلىمىزدىڭ ماقتانىشىنا اينالسىن دەگەن تىلەك بىلدىرەمىن. اشىلعان بالاباقشا بەرەكەلى بولسىن!», دەدى وبلىس باسشىسى.
بالاباقشادا اسحانا, جاتىن بولمە, ويىن, مۇعالىمدەر بولمەسى, لوگوپەد جانە پسيحولوگ بولمەلەرى بار, سپورت زالى زاماناۋي قۇرىلعىلارمەن جابدىقتالعان. اسحاناسىنداعى تاعامدار سانيتارلىق تالاپقا سايكەس بولەك توڭازىتقىشتاردا ساقتالادى. ال دارىگەر بولمەسىندە بالالارعا العاشقى كومەك كورسەتۋگە قاجەت بارلىق ءدارى-دارمەك بار.
ءار بالاباقشادا 26 قىزمەتكەر جۇمىسپەن قامتىلدى. بالالار كىشى جانە ۇلكەن توپتاردان قۇرالعان 12 توپقا بولىنەدى.
ال تاربيەلەنۋشىلەردى قابىلداۋ جەلتوقسان ايىنان باستاپ indigo24.kz اقپاراتتىق جۇيەسى ارقىلى ىسكە اسىرىلادى.
وسى ۋاقىتقا دەيىن مەملەكەتتىك-جەكەمەنشىك ارىپتەستىك جوباسى اياسىندا بارلىعى 870 ورىندىق ءۇش بالاباقشا اشىلدى. جىل اياعىنا دەيىن تاعى دا 890 بالانى قامتيتىن ءۇش بالاباقشا اشىلىپ, قاجەتتىلىك 15,2 پايىزعا ازايادى.
