سالتانات نۇكەنوۆانىڭ تۋىستارى مارقۇمنىڭ 40 كۇندىك اسى 23 جەلتوقساندا بەرىلەتىنىن حابارلادى.
«اياۋلى قىزىمىز, قارىنداسىمىز سالتانات نۇكەنوۆانىڭ ومىردەن وزعانىنا 40 كۇن وتۋىنە وراي جەلتوقساننىڭ 23-ءى كۇنى ساعات 11:00-دە «حاتىم حانا» مەيرامحاناسىندا اس بەرىلەدى», دەلىنگەن حابارلامادا.
ەسكە سالايىق, 9 قاراشا كۇنى استاناداعى باۋ رەستورانىندا بۇرىنعى ۇلتتىق ەكونوميكا ءمينيسترى قۋاندىق بيشىمباەۆ ءوزىنىڭ زايىبى سالتانات نۇكەنوۆانى سوققىعا جىققان ەدى. ايەل ادام جەدەل جاردەم كەلگەنشە جان تاپسىردى. كەيىنىرەك ەكس-شەنەۋنىك ۇستالىپ, تەرگەۋ جۇمىستارى جۇرگىزىلدى.
12 قاراشادا قۋاندىق بيشىمباەۆ ەكى ايعا قاماۋعا الىندى. بۇدان سوڭ سالتانات نۇكەنوۆانىڭ ولىمىنە قاتىسى بار تاعى ءبىر ادام ۇستالدى. 15 قاراشادا پرەزيدەنت ىشكى ىستەر مينيسترلىگىنە «بيشىمباەۆ ءىسىن» ەرەكشە باقىلاۋعا الۋدى تاپسىردى.
