سينوپتيكتەر ەسكەرتەدى: ەلدىڭ باسىم بولىگىندە تۇراقسىز اۋا رايى ساقتالادى

«قازگيدرومەت» رمك اقپاراتىنا سايكەس, ەلوردادا جاۋىن-شاشىن كۇتىلەدى, الماتى مەن شىمكەنتتە +11°C دەيىن جىلى بولادى.

استانادا – كوشپەلى بۇلتتى, تۇندە ازداعان جاۋىن-شاشىن (جاڭبىر, قار), قار جاۋادى, تۇمان تۇسەدى, كوكتايعاق بولادى. جەل وڭتۇستىك-باتىستان تۇندە 9-14, كۇندىز 3-8 م/س. اۋا تەمپەراتۋراسى تۇندە جانە كۇندىز 0-2°س;

الماتىدا كوشپەلى بۇلت شىعادى, جاۋىن-شاشىنسىز. جەل 0-5 م/س. اۋا تەمپەراتۋراسى تۇندە -5-7°C, كۇندىز +3+5°C;

شىمكەنتتە – كوشپەلى بۇلت شىعادى, جاۋىن-شاشىنسىز, تۇندە جانە تاڭەرتەڭ تۇمان تۇسەدى. وڭتۇستىك-شىعىستان 3-8 م/س جەل سوعادى. اۋا تەمپەراتۋراسى تۇندە -4-6°C, كۇندىز +9+11°C.

بولجام بويىنشا قازاقستاننىڭ باتىسىندا, سولتۇستىگىندە, شىعىسىندا اتموسفەرالىق فرونتالدى بولىكتەردىڭ وتۋىمەن تۇراقسىز اۋا رايى ساقتالادى – جاۋىن-شاشىن (جاڭبىر, قار) كۇتىلەدى.

ەلدىڭ قالعان بولىگىندە جاۋىن-شاشىن كۇتىلمەيدى, قازاقستاندا تۇمان, كوكتايعاق, ەكپىندى جەل, سولتۇستىكتە بۇرقاسىن بولادى.

بۇدان بولەك تاڭەرتەڭ جانە كۇندىز جامبىل وبلىسىنىڭ سولتۇستىك-شىعىسىندا, كۇندىز جەتىسۋ وبلىسىنىڭ الاكول وڭىرىندە 30 م/س جانە ودان دا جوعارى جەل سوعادى.