كونتسەرت الدىندا قازاقستاننىڭ ىستانبۇلداعى باس كونسۋلى نۇريددين امانقۇل وركەستر ديرەكتورى سالتانات ماقسوت پەن وركەستردىڭ كوركەمدىك جەتەكشىسى اسحات حاسانوۆتى قابىلدادى. ال كونتسەرتكە زەيتىنبۋرنى اۋدانىنىڭ اكىمىنىڭ ءبىرىنشى ورىنباسارى وسمان دينچ, قازاقستاننىڭ ىستانبۇلداعى باس كونسۋلى بەكايدار سارى, دوكتور اادەم ۋسلۋ, دوكتور رەشيدە يۋكسەل, زەيتىنبۋرنى قوعام بىرلەستىگىنىڭ باستىعى ءدىلمان قايا, تۇركى مۋزىكا ونەرىن زەرتتەۋشى, دومبىراشى سەدات سولاكوگلۋ, شىعىس تۇركىستان ميگرانتتار وداعىنىڭ توراعاسى رەجەپ اكول جانە ت.ب تۇرىك وكىلدەرى مەن قانداستار قاتىستى.
كونتسەرتتىك ءىس-شارادا «كامەرالىق وركەسترگە ارنالعان كۇي», اباي قۇنانباي ۇلىنىڭ «كوزىمنىڭ قاراسى», نۇرعيسا تىلەنديەۆتىڭ «اتا تولعاۋى» اتتى شىعارمالارى وركەستردىڭ ورىنداۋىندا كورەرمەنگە ۇسىنىلدى. سونداي-اق باتىس قازاقستان وبلىسىنىڭ ونەر جۇلدىزدارى شىرقاعان اسەم اۋەندەر كوپشىلىك كوڭىلىنەن شىقتى.
«باتىس قازاقستان وبلىستىق كامەرالىق وركەسترىنىڭ كونتسەرتى ماعان وتە ۇنادى. مەنىڭ ۇلتىم قازاق بولعانىمەن, تۇركيادا ءوستىم. ەكى ەل اراسىنداعى ىنتىماقتاستىقتىڭ كەپىلى – ەل پرەزيدەنتتەرى قاسىم-جومارت توقاەۆ پەن رەجەپ تايپ ەردوعاننىڭ دەنىنە زور دەنساۋلىق تىلەيمىز! كوك بايراعىمىز جەلبىرەي بەرسىن!», دەيدى دوكتور راشيدا يۋكسەل.
ىستانبۇلداعى قازاق دياسپوراسىنىڭ وكىلى تۇران باحادىر بۇل شاھاردا 15-20 مىڭداي قازاق بار ەكەنىن ايتىپ, «مۇنداي كونتسەرتتەر جيىرەك بولسا ەكەن. شەتتە جۇرگەن قازاقتار ءوز مادەنيەتىن كورەدى. سول ءۇشىن كەرەك قوي. ونەر – جان ازىعى, كەش كەرەمەت بولدى», دەگەن پىكىرىن ءبىلدىردى.
باتىس قازاقستان وبلىسى
