فوتو: primeminister.kz
«مەملەكەتتەر باسشىلارى كەڭەسىنىڭ وتكەن وتىرىسىندا پرەزيدەنت قاسىم-جومارت توقاەۆ ۇسىنعان باسىمدىقتار تمد فورماتىنداعى ءوزارا ءىس-قيمىلدى كۇشەيتۋگە باعىتتالعان. ەڭ باستىسى – تۋىنداعان سىن-قاتەرلەردى ەڭسەرۋ, ءتيىمدى ارىپتەستىكتى نىعايتۋ ءۇشىن جاڭا باعىتتار ىزدەۋ. بۇگىندە دوستاستىق ەلدەرىنىڭ ەرىكتىلەرى وزدەرىنىڭ تىنىمسىز ەڭبەكتەرىنىڭ ارقاسىندا تولەرانتتى قوعامنىڭ دامۋىنا, قايىرىمدىلىق پەن مەيىرىمدىلىك مادەنيەتىن قولداۋعا ەلەۋلى ۇلەس قوسۋدى جالعاستىرىپ كەلەدى. دوستاستىق ەلدەرى ەرىكتىلەرىنىڭ جىل سايىنعى فورۋمىن وتكىزۋ جانە وعان تمد-نىڭ تۇراقتى الاڭى مارتەبەسىن بەرۋ تۋرالى ءبىزدىڭ باستامانى ىسكە اسىرۋ بويىنشا ناقتى جۇمىستاردى باستاۋعا شاقىرامىن», دەدى ءا.سمايىلوۆ.
دەنساۋلىق ساقتاۋ سالاسىنداعى ىنتىماقتاستىقتى تەرەڭدەتۋ جايىن قوزعاعان پرەمەر-مينيستر دەنە شىنىقتىرۋ جانە سپورت سالاسىندا اتقارىلىپ جاتقان جۇمىستاردىڭ ماڭىزدىلىعىنا توقتالدى. بيىل مۇمكىندىگى شەكتەۋلى بالالار اراسىندا تمد ەلدەرىنىڭ سپارتاكيادالارى جانە تمد چەمپيوناتتارىن وتكىزۋ ءۇشىن ۇيىمداستىرۋ-قۇقىقتىق نەگىزىن قۇرۋ اتالعان باعىتتاعى ۇلكەن جەتىستىك بولىپ وتىر.
«قازاقستان بۇل جۇمىستى قولدايدى جانە الداعى جارىستارعا بەلسەندى قاتىسۋدى جوسپارلاپ وتىر. «تمد شەڭبەرىندە ازىرلەنگەن دەنساۋلىق ساقتاۋ سالاسىنداعى ىنتىماقتاستىق تەتىكتەرى كەڭ اۋقىمدى كوروناۆيرۋستىق پاندەميانى ەڭسەرۋگە ىقپال ەتتى. سونىمەن قاتار ءبىزدىڭ ەلدەر قازىر تاعى دا كەڭ تارالعان اۋرۋلارمەن بەتپە-بەت كەلىپ وتىر, ونىڭ ىشىندە قىزىلشا ىندەتىنىڭ ءورشۋىن ەرەكشە اتاپ وتۋگە بولادى. وسىعان وراي دەنساۋلىق ساقتاۋ سالاسىنداعى ىنتىماقتاستىق جونىندەگى كەڭەستى قوسا العاندا, تمد-داعى بارلىق ءوزارا ءىس-قيمىل تەتىكتەرىن جانداندىرۋعا شاقىرامىز», دەدى ۇكىمەت باسشىسى. قازاقستان دۇنيەجۇزىلىك دەنساۋلىق ساقتاۋ ۇيىمىنىڭ قولداۋىمەن العاشقى مەديتسينالىق-سانيتاريالىق كومەك بويىنشا ەلدەر كواليتسياسىن قۇرۋدى ۇسىنعانىن اتاپ ءوتتى. بۇل قۇجاتتى 2022 جىلدىڭ 14 قازانىندا استانادا وتكەن تمد سامميتىندە قابىلدانعان ەلدەرىمىزدىڭ باسشىلارىنىڭ مادەنيەت سالاسىنداعى ىنتىماقتاستىق تۋرالى مالىمدەمەسىن دامىتۋ رەتىندە قابىلدايتىنىن ايتتى.
