فوتو: استانا قالاسىنىڭ اكىمدىگى
كورمەگە قالالىق مەملەكەتتىك ارحيۆتە ساقتالعان ەلوردا تاريحى تۋرالى قۇجاتتار مەن فوتوسۋرەتتەر قويىلدى.
«حالقىمىزدىڭ باي تاريحىن ەندى جاستار جالعاستىرۋى كەرەك. قالامىزدا قانشاما قازاق مەكتەپتەرى اشىلىپ جاتىر. كەزىندە سوعىستىڭ الدىندا 5-6 قازاق مەكتەبى بولدى, تىڭ يگەرۋ كەزىندە جالعىز قازاق مەكتەپ-ينتەرناتى قالدى. قازىر قالامىز جوعارى قارقىنمەن ءوسىپ جاتىر. بۇرىن تۇرعىنداردىڭ 70-80 پايىزى قازاق بولسا, تىڭ يگەرۋ كەزىندە 10 پايىزعا دەيىن ءتۇسىپ قالدى. بۇگىندە باس قالامىزداعى جەرگىلىكتى ۇلتتىڭ ۇلەسى 90 پايىزعا جەتتى. قالا تۇرعىندارى 200 مىڭنان باستاپ 1,5 ملن ءوستى», دەدى كورمەنىڭ اشىلۋىندا ءسوز سويلەگەن مارات ابسامەتوۆ.
جينالعان كوپشىلىك الدىندا ءسوز سويلەگەن عالىم ەل ازاماتتارىن تاۋەلسىزدىك كۇنىمەن قۇتتىقتادى.
ايتا كەتسەك, «حان شاتىر» ويىن-ساۋىق ورتالىعىنداعى وسىنداي ماڭىزى بار كورمە 3 كۇن بويى قالا تۇرعىندارىنا ەسىگىن ايقارا اشپاق. ولاردى ارحيۆ قىزمەتشىلەرى كورمەگە قويىلعان قۇندى دەرەكتەرمەن تانىستىراتىن بولادى.
كورمەنىڭ اشىلۋىنا قالالىق ارحيۆ باسشىسىنىڭ ورىنباسارى تولەۋعالي قىشقاشباەۆ, وزگە دە تاريحشى عالىمدار, قالا تۇرعىندارى قاتىستى.
