فوتو: اشىق دەرەككوز
كاسىپكەرلىك قىزمەت سيپاتىنداعى ءموبيلدى اۋدارىمدارعا سالىق سالۋدى قامتاماسىز ەتۋدى كوزدەيتىن زاڭ جوباسى وتكەن جىلى قابىلدانعان. بۇل شارانىڭ نەگىزگى ماقساتى «كولەڭكەلى ەكونوميكانىڭ» ۇلەسىن ازايتۋ.
سوندىقتان كاسىپكەرلەر ارنايى كارتا, شوت اشىپ كاسىبىن زاڭداستىرۋعا مىندەتتەلەدى. بۇل ءوز كەزەگىندە سالىق تولەۋگە نەگىز بولماق.
قارجى ءمينيسترىنىڭ مالىمەتىنشە, ۇيالى تەلەفون ارقىلى ءجيى اقشا اۋداراتىن تۇلعالار باقىلاۋعا الىنىپ, تەكسەرىلەدى. بۇل ساناتقا تاۋەكەل بيزنەسى بار ادامدار ياعني, دۇكەن, تاكسي جانە ت.ب. ياعني تىكەلەي بيزنەسپەن اينالىساتىن ازاماتتار جاتادى.
ايتا كەتەرلىگى, تۋىستارى نەمەسە ارىپتەستەرى اراسىنداعى اۋدارىمدارعا سالىق سالىنبايدى.
