9 سىنىپ وقۋشىسىنىڭ جەرلەستەرى «1 ميلليون تەڭگە بەرمەسەڭ جەلىگە جالاڭاش بەينەڭدى جۇكتەپ جىبەرەمىز» دەپ قورقىتقان. كەيىننەن قىزدى پىشاقتاپ, دەنەسىن سۋعا اعىزىپ جىبەرگەن.
تۇركىستان وبلىسى قىلمىستىق ىستەر جونىندەگى مامانداندىرىلعان اۋدانارالىق سوتىندا القابي قۇرامىمەن قوس جاساۋشىعا قاتىستى قىلمىستىق ءىس قارالدى. سوت ۇكىمىمەن نەگىزگى ايىپتالۋشى قازاقستان رەسپۋبليكاسى قىلمىستىق كودەكسىنىڭ 194-بابىنىڭ 1-بولىگىمەن, 99-بابىنىڭ 2-بولىگىنىڭ 10, 14-تارماقتارىمەن كىنالى دەپ تانىلىپ, وعان 16 جىل باس بوستاندىعىنان ايىرۋ جازاسى تاعايىندالدى. ال سىبايلاسى قىلمىستىق كودەكستىڭ 434-بابىمەن كىنالى دەپ تانىلىپ, وعان 1 جىل 4 اي باس بوستاندىعىنان شەكتەۋ جازاسى تاعايىندالدى.
القابيلەر شىعارعان ۇكىم زاڭدى كۇشىنە ەنگەن جوق.
