رەسپۋبليكالىق جەدەل-قۇتقارۋ جاساعىنىڭ مالىمەتىنشە, ەكى شوپاننىڭ جوعالىپ كەتكەنى تۋرالى اقپارات 11 جەلتوقسان كۇنى ساعات 22:03-تە تۇسكەن. ولار الماتى وبلىسىنىڭ جامبىل اۋدانىندا ءبىر وتار قويدى باعىپ جۇرگەن. جوعالىپ كەتكەندەردى ىزدەۋگە رەسپۋبليكالىق جەدەل-قۇتقارۋ جاساعىنىڭ 10 ادامنان تۇراتىن جەدەل قۇتقارۋ توبى شىققان. بازادان ىزدەۋ ورنىنا دەيىنگى اراقاشىقتىق 138 كم قۇرايدى.
«قۇتقارۋشىلار شوپانداردى ىزدەۋگە ساعات 02:40-تا كىرىستى. ىزدەۋ وپەراتسياسى كەزىندە دالادا قاتتى جەل, بوران, اياز بولدى. ساعات 09.55-تە ءبىرىنشى شوپان, ساعات 10.15-تە ەكىنشى شوپان تابىلدى. ەكەۋىن دە جارتاس اۋىلى اۋدانىنداعى دالادان تاپتىق. قاتتى اياز بولسا دا ادامدار ءۇسىپ قالماعان ەكەن, ولاردىڭ جاعدايى جاقسى, زارداپ شەكپەگەن», دەلىنگەن حابارلامادا.
شوپاندار دالادا باعىتىن جوعالتىپ, اداسىپ كەتكەن ەكەن. جوعالعان شوپاننىڭ بىرەۋى 1984 جىلعى, ەكىنشىسى 1982 جىلى تۋعان.
