فوتو: Primeminister.kz
ءبىرىنشى كەزدەسۋ «وڭتۇستىك اۋستراليانىڭ مال شارۋاشىلىعى» ءىرى سالالىق ۇيىمىمەن, MLA (Meat and Livestock Australia) تەڭ قۇرىلتايشىسىمەن ءوتتى. قاۋىمداستىق وكىلدەرى ۇلتتىق جانە وڭىرلىك دەڭگەيدەگى فەرمەرلەردى قولداۋ شارالارى مەن مىندەتتەلگەن الىمدار, جۇمىس ىستەۋ ادىستەرى تۋرالى ايتىپ بەردى. بيوقاۋىپسىزدىك پەن مالدى باقىلاۋ – ءبىرىنشى ورىنداعى ماسەلە.
كەزدەسۋ حالىقارالىق وقۋ ورتالىعى ادەلايدا ۋنيۆەرسيتەتىندە جالعاستى. قۇرعاق كليماتتا اۋىل شارۋاشىلىعىن جۇرگىزۋگە ماماندانعان اتالعان ۋنيۆەرسيتەتتە ستۋدەنتتەرگە بىردەن پراكتيكالىق تاجىريبە الۋعا مۇمكىندىك بەرەتىن ارنايى فەرما بار.
پروفەسسور ۆەين پيتچفوردتىڭ ايتۋىنشا, جاۋىن-شاشىن كارتاسى – قاي شتاتتا قانداي داقىل مەن مال ءتۇرىن ءوسىرۋ قاجەتتىگىن انىقتايتىن بىردەن-ءبىر فاكتور. ءىرى قارا مال تەڭىز جاعالاۋىنا جاقىن جەردە ءوسىرىلىپ, بورداقىلانادى, ال قويلار قۇرعاق جەرلەردە, استىق داقىلدارى سۋ قاجەتتىلىگىن قاناعاتتاندىرا الاتىن جەرلەردە وسىرىلەدى.
قازاقستان ماماندارىن مال ءوسىرۋ جانە كۇتىپ-باعۋ تاسىلدەرى, جەم-ءشوپ راتسيونى جانە ت.ب. ماسەلەلەر قىزىقتىردى. مىسالعا ناقتى اتاعاندا, ەكسپورتى جاقسى دامىعان ەل بولا تۇرا, ولار مال باسىن وسىرۋگە اسىقپايدى, سەبەبى كليماتتىڭ ناشارلاۋىن ەسكەرە وتىرىپ, جەردى قۇنارىنان ايىرعىسى كەلمەيدى ەكەن.
