تۋرنيرگە توعىز كوماندا, ونىڭ ىشىندە ەۋروپالىق وداق ەلدەرىنىڭ (فرانتسيا, ماجارستان), ازەربايجان, قىتاي, كورەيا, قىرعىز رەسپۋبليكاسى, رەسەي, تاجىكستان, تۇركيا, تۇرىكمەنستان, اقش جانە وزبەكستان ەلدەرى باس كونسۋلدىقتارىنىڭ ديپلوماتتارى, سونداي-اق بۇۇ جانە الماتى ديپلوماتيالىق كلۋبىنىڭ قۇرامالارى قاتىستى.
قازاقستان رەسپۋبليكاسى سىرتقى ىستەر مينيسترلىگىنىڭ الماتى قالاسىنداعى وكىلدىك باسشىسى ب. بولەگەنوۆ جانە وڭتۇستىك استانادا اككرەديتتەلگەن شەتەلدىك ديپلوماتيالىق وكىلدىكتەردىڭ باسشىلارى قۇتتىقتاۋ ءسوز سويلەدى.
سونىمەن قاتار ديپلوماتيالىق ميسسيالاردىڭ قىزمەتكەرلەرى مەن وتباسى مۇشەلەرى ءوز كوماندالارىن قولداۋعا كەلدى.
جۇلدەلى ورىندار ءۇشىن قىزۋ كۇرەس بارىسىندا ويىنشىلار تاماشا كوماندالىق بىرلىك, كاسىپقويلىقتى جانە جاۋىنگەرلىك رۋح كورسەتتى. فۋتبول ءتۋرنيرىنىڭ سوڭىندا بارلىق كومانداعا سىيلىقتار, ەستەلىك كۋبوكتار مەن گراموتالار تابىس ەتىلدى. ديپلوماتيالىق كورپۋستى دوستىق پەن سپورتتىق مەرەكە اتموسفەراسى بىرىكتىردى.
