فوتو: Polisia.kz
كاسىپكەردەن 2 ملن 600 مىڭ تەڭگە الىپ جاتقان 1991, 1996, 1996, 1998 جىلعى 4 كۇدىكتىنى قىلمىس ۇستىندە پوليتسيا قىزمەتكەرلەرى ۇستادى.
«كۇدىكتىلەردىڭ دەسترۋكتيۆتى ءدىني اعىم وكىلدەرى ەكەنى انىقتالدى. توپ جابىرلەنۋشىلەردى ناۋرىز ايىنان بەرى بوپسالاپ, شامامەن 5 ميلليون تەڭگە يەمدەنبەك بولعان. كۇدىكتىلەردىڭ وسىعان ۇقساس باسقا دا قىلمىستارعا قاتىستىلىعى انىقتالىپ جاتىر», دەلىنگەن اتىراۋ وبلىسى پد حابارلاماسىندا.
قر قىلمىستىق كودەكسىنىڭ 194-بابىنىڭ 3-بولىگى 2-تارماعى بويىنشا قىلمىستىق ءىس قوزعالىپ, سوتقا دەيىنگى تەرگەۋ جۇرگىزىلىپ جاتىر.
