پرەزيدەنت ءبىلىم وشاعىنداعى سپورت زالىن, اسحانانى جانە شىعارماشىلىق ويلاۋ جۇيەسىن دامىتۋعا ارنالعان ArtLab كابينەتىن ارالاپ كوردى. سونداي-اق 1-11 سىنىپ وقۋشىلارىن نەگىزگى ءىت باعىتتار بويىنشا 3D-مودەلدەۋگە باۋليتىن ArtNationkz ءبىلىم بەرۋ جوباسىمەن تانىستى.
كاسىپكەردىڭ جەكە قاراجاتىنا سالىنعان بۇل مەكتەپ-گيمنازيا بيىل قىركۇيەك ايىندا اشىلدى. ونىڭ قۇرىلىسىنا 5,7 ميلليارد تەڭگە جۇمسالعان. نىساننىڭ اۋماعى – 122 مىڭ شارشى مەتر.
بۇگىندە مەكتەپتە 3600 وقۋشى ءبىلىم الىپ جاتىر. مەملەكەت باسشىسى مەكتەپ وقۋشىلارىمەن اڭگىمەلەسىپ, ولاردىڭ وقۋدا تابىستى بولۋىنا تىلەكتەستىك ءبىلدىردى.
