فوتو: Primeminister.kz
كەشەندى جوسپار 7 باعىت بويىنشا 79 ءىس-شارادان تۇرادى. جوسپاردىڭ ورىندالۋى 2028 جىلعا قاراي جقق-نىڭ (جالپى قوسىلعان قۇن) 4,5 ەسە, نكي-ءدىڭ (ناقتى كولەم يندەكسى) 2,2 ەسە, ەكسپورت كولەمىنىڭ 3 ەسە, ينۆەستيتسيا كولەمىنىڭ 1,5 ەسەگە ءوسىمىن قامتاماسىز ەتەدى.
«كەشەندى جوسپاردى جۇزەگە اسىرۋ بۇگىنگى تاڭداعى باسىمدىعىمىز جانە مىندەتىمىز. بەلگىلەنگەن نىسانالى ينديكاتورلاردىڭ ساپالى ورىندالۋىن قامتاماسىز ەتۋ جانە وتاندىق ماشينا جاساۋ سالاسىن ودان ءارى جاڭعىرتۋ ءۇشىن بار كۇش-جىگەرىمىزدى سالامىز», دەدى قازاقستان ماشينا جاساۋشىلار وداعىنىڭ باسشىسى.
ماشينا جاساۋ 37 تارماقتى قامتيتىن جانە ەكونوميكانىڭ بارلىق دەرلىك سالالارىن جابدىقتارمەن قامتاماسىز ەتەتىن ەڭ جوعارى تەحنولوگيالى سالا ەكەنىن ايتا كەتكەن ءجون. سالاداعى ءبىر جۇمىس ورنى شەكتەس سالالاردا 8-10 جۇمىس ورنىنىڭ پايدا بولۋىنا الىپ كەلەدى.
ەسكە سالايىق, مەملەكەت باسشىسى بيىلعى جولداۋىندا ماشينا جاساۋ يندۋستريالىق ءوسۋدىڭ درايۆەرى بولىپ تابىلاتىن وڭدەۋشى ونەركاسىپتى ۇدەمەلى دامىتۋدى باستى مىندەتتەردىڭ ءبىرى رەتىندە بەلگىلەگەن بولاتىن. ماشينا جاساۋ سالاسىن ودان ءارى جاڭعىرتۋ ەل ەكونوميكاسىن ءارتاراپتاندىرۋ مەن يندۋستريالاندىرۋعا جاڭا سەرپىن بەرەدى.
