قوعامنىڭ بۇل دا ءبىر كەسەلى

182 بويجەتكەن ەسەپتە تۇر

ىشكى ىستەر مينيسترلىگى تاراتقان ما­لىمەتكە سۇيەنسەك, تاياۋ كۇندەرى شىم­كەنت­تىك پوليتسەيلەر جەزوكشەلىك قىزمەت كورسەتكەن ءۇش پريتوندى جاپقان. 31 جاستا­عى ايەل پريتون ۇيىمداستىرۋ ءۇشىن 3 پاتەر­دى ۇزاق مەرزىمگە جالعا الىپ, ينتيمدىك قىزمەت كورسەتەتىن 10 قىزدى ۇستاعان. سوراقىسى, ونىڭ بىرەۋى كامەلەتتىك جاسقا دا تولماعان. ءتانىن ساتقاندار – شىمكەنت, تاراز, الماتى, قوستاناي قالالارىنىڭ تۇرعىندارى.

جەڭگەتايلىق جاسادى دەپ كۇدىككە ىلىنگەن ايەلدىڭ تۇرعىلىقتى مەكەنجايىن تەكسەرۋ بارىسىندا ءىرى مولشەردە مەفەدرون ەسىرتكى زاتى تاركىلەندى. وسى دەرەكتەرگە قاتىستى قىلمىستىق كودەكستىڭ 309-بابى 2-بولىگى (جەزوكشەلiكپەن اينالىسۋعا ارنالعان پريتوندار ۇيىمداستىرۋ نەمەسە ولاردى ۇستاۋ جانە جەڭگەتايلىق) مەن 296-بابى 3-بولىگى ء(ىرى مولشەردەگى ەسiرتكi, پسيحوتروپتىق زاتتاردى, سول تەكتەستەردى وتكىزۋ ماقساتىنسىز زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ) بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتى ايەل قاماۋعا الىندى.

ءدال وسىنداي ايەل ادام اباي وبلىسىندا دا پوليتسيا قىزمەتكەرلەرىنىڭ قۇرىعىنان قۇتىلمادى. Polisia.kz سايتى تاراتقان مالىمەتكە قاراعاندا, جىل باسىنان بەرى اباي وبلىسىنىڭ جەدەل قىزمەتكەرلەرى جەزوكشەلىك قىزمەت كورسەتكەن 6 ساۋنانى جاۋىپ, 5 ايەلدى 2 جىلعا شارتتى تۇردە سوتتاعان. سونداي-اق وسى جىلى ءتانىن ساتىپ پايدا تاۋىپ كەلگەن 44 ايەل جەدەل ەسەپكە الىندى. بۇگىندە اباي وبلىسى بويىنشا جالپى سانى 182 ايەل ەسەپتە تۇر.

ال تۇركىستان وبلىسى پوليتسيا دەپارتا­مەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ارىس قالاسى ساۋنالارىنىڭ بىرىنەن جەڭگەتايلىقپەن اينالىستى دەگەن كۇدىككە ىلىنگەن 50 جاس شاماسىنداعى ايەلدى ۇستاعان. ونىڭ قاراماعىندا ەلىمىزدىڭ 4, وزبەكستان رەسپۋبليكاسىنىڭ ءبىر ازاماتى بار بولىپ شىقتى. ولاردىڭ قانداي «كاسىپپەن» اينالىسقانى ايتپاسا دا تۇسىنىكتى...

اتى – ماسساج سالونى, زاتى – باسقا...

قاراعاندى وبلىسى پوليتسيا دەپار­تامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى وبلىس ورتالىعىندا ءۇش ماسساج سالونىنىڭ زاڭسىز قىزمەتىن انىقتاپ, جولىن كەستى. ولاردىڭ اتاۋى ماسساج سالونى بولعانىمەن, شىن مانىندە كليەنتتەرگە ينتيمدىك قىزمەت كورسەتكەن.

ۋچاسكەگە جالپى سانى 16 ادام جەتكىزىلىپ, 5 ادامعا, ياعني سالون يەلەرى مەن اكىمشىلەرىنە قاتىستى قىلمىستىق كودەكستىڭ 309-بابى بويىنشا سوتقا دەيىنگى تەرگەۋ جۇرگىزىلىپ جاتىر. ءتيىستى ساراپتامالار تاعايىندالدى. جەزوكشەلىكپەن اينالىسۋعا تارتۋ فاكتىسى انىقتالدى. بۇعان قوسا, جەزوكشەلىكپەن جانە جەڭگەتايلىقپەن اينالىسۋ ءۇشىن ءۇي-جايلاردى ۇسىنعان ادامدارعا قاتىستى ءۇش اكىمشىلىك ماتەريال جاسالدى. مۇنداي قۇقىق بۇزۋشىلىق 100-دەن 1000 ايلىق ەسەپتىك كورسەتكىشكە دەيىن ايىپپۇل سالۋعا اكەپ سوعادى.

– ينتيمدىك قىزمەت كورسەتەتىن ادامداردى انىقتاۋ جانە ۇستاۋ بويىنشا جۇمىستار تۇراقتى نەگىزدە جۇرگىزىلەدى. وتكىزىلەتىن ءىس-شارالاردىڭ ماقساتى – جەزوكشەلىكپەن, باسقا دا وعان ىلەسپە قۇقىق بۇزۋشىلىقتارمەن اينالىسۋعا تارتۋ فاكتىلەرىن انىقتاۋ. ازاماتتارىمىزدى جەزوكشەلىكپەن جانە باسقا دا قىلمىستارمەن بايلانىستى كەز كەلگەن كۇدىكتى ارەكەتتەر تۋرالى بايقاپ جاتسا, پوليتسياعا حابارلاپ, قۇقىق بۇزۋشىلىقتاردىڭ الدىن الۋ بويىنشا ۋاقتىلى الدىن الۋ شارالارىن قابىلداۋعا شاقىرامىز, – دەيدى وبلىستىق پد ۇيىمداسقان قىلمىسقا قارسى كۇرەس باسقارماسى قىزمەتكەرلەرى.

جەزوكشەلەردىڭ ءبىرى – ترانسسەكسۋال...

اتىراۋ وبلىسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باس­قارماسىنىڭ قىزمەتكەرلەرى «قۇقىقتىق ءتارتىپ» ءىس-شاراسى بارىسىندا ينتيمدىك قىز­مەت كورسەتەتىن ساۋنانى انىقتادى. ول جەر­دە شىمكەنت قالاسى الماتى جانە جام­­بىل وبلىستارىنان كەلگەن 8 ادام كليەنتتەر «كوڭىلى» ءۇشىن جۇمىس ىستەگەن. ساۋنا اكىمشىسىنە قاتىستى قىلمىستىق كودەكستىڭ 309-بابى بويىنشا قىلمىستىق ءىس قوزعالدى.

ءتارتىپ ساقشىلارىنىڭ نازارىنا ىلىك­كەن جەزوكشەلەردىڭ ءبىرى – تاجىكستان رەسپۋب­ليكاسىنىڭ 26 جاستاعى ترانسسەكسۋال ازاماتى. ول ينتەرنەت جەلىسى ارقىلى ينتيمدىك قىزمەت كورسەتۋ ءۇشىن تاپسىرىس قابىلداعان. ەلىمىزگە قاراشا ايىندا كەلگەن شەتەلدىك ازاماتقا قاتىستى ەلدەن شىعارۋ جونىندە ءىس-قۇجاتتار كوشى-قون باسقارماسىنا تاپسىرىلدى. بارلىق انىقتالعان ادامدار جەزوك­شەلىكپەن اينالىساتىندار ەسەبىنە تىركەلدى.

ماڭعىستاۋ وبلىسىندا جۇرگىزىلگەن رەسپۋبليكالىق «STOP-ترافيك» جەدەل الدىن الۋ ءىس-شاراسى اياسىندا «Kyzdar.net» سايتىنا مونيتورينگ جاساعان ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جالدامالى پاتەرلەردە جەزوكشەلىكپەن اينالىسقان 35 قىز-كەلىنشەكتى انىقتاپ, ارنايى ەسەپكە قويدى. ونىڭ ىشىندە ءۇش ايەل ارنايى قابىلداۋ-تاراتۋ ورتالىعىنا ورنالاستىرىلدى.

سونداي-اق الەۋمەتتىك جەلىلەردى تەكسەرۋ كەزىندە جاڭا تۋعان سابيلەردى ساتۋ سەكىلدى ادام ساۋداسىمەن اينالىسقان 42 جاستاعى كۇدىكتى ازامات ۇستالدى. ونىڭ تۇرعىلىقتى مەكەنجايىن ءتىنتۋ ناتيجەسىندە ەسىرتكىگە ۇقساس زاتتى ساقتاعانى انىقتالىپ وتىر.

قازىرگى تاڭدا ءىىم-ءنىڭ اۋماقتىق بولى­­نىستەرى ەل كولەمىندە جاپپاي رەيدتەر جۇرگىزىپ جاتىر. سونىڭ اياسىندا كۇتپە­گەن وقيعالار دا كەزدەستى. ماسەلەن, تاياۋ كۇندەرى تۇركىستان وبلىسىندا 18 جىل بويى حابار-وشارسىز كەتكەن ادام رەتىن­دە ىزدەۋدە جۇرگەن ايەل اتىراۋ وبلىسى­نان تابىلعان. سويتسە ول 16 جاسىندا اتا-اناسىمەن ۇرسىسىپ, 2005 جىلى ۇيى­نەن كەتىپ قالىپتى. سودان ءتۇرلى قالا­لار­دا تۇرعان. الماتى جانە شىم­كەنت قالا­لارىندا تازالاۋشى بولىپ جۇمىس ىستە­گەن. ال بىرنەشە كۇن بۇرىن قۇل­سارى قالا­سىنا كەلگەن. اتالعان دەرەك بويىن­­شا تۇر­كىستان وبلىسىنىڭ پوليتسيا دەپار­تا­مەن­تىنە دەرەۋ حابار بەرىپ, ازامات تۋىستا­رىمەن بايلانىسقا شىقتى. جەكە باسىن كۋالاندىراتىن قۇجاتتارى جوق ايەل قازىرگى تاڭدا پوليتسيا باقىلاۋىندا. ونى تۋىستارىنا جىبەرۋ ءۇشىن ءتيىستى شارالار قابىلدانىپ, قۇقىقتىق كەڭەس بەرىلدى.