رەتتەۋشىلىك مەنشىك كاپيتالى بانك قىزمەتىندە تۋىنداۋى مۇمكىن شىعىندار مەن تاۋەكەلدەردى جاباتىن قارجىلىق رەزەرۆتى قۇرايدى. رەتتەۋشىلىك مەنشىك كاپيتالىنىڭ ءوسىمى بويىنشا كوش باسىندا – Bereke Bank. ءبىر جىلدا بىردەن 87,1%-عا ءوسىپ, 132,9 ملرد تەڭگەنى قۇراعان. ەكىنشى ورىندى جىلدىق 35,4% وسىممەن Kaspi Bank يەلەندى. «بانك تسەنتركرەديت» ۇزدىك ۇشتىكتى تۇيىندەيدى: ءبىر جىلدا 34%-عا ارتتى. بەستىك قاتارىنا «وتباسى بانك» (33,6%-عا ارتتى) جانە ەۋرازيالىق بانك (30,6%-عا ارتتى) ەنەدى.
«جالپى, قازاقستاننىڭ بانك سەكتورىندا كاپيتالدىڭ جەتكىلىكتى رەزەرۆى بار ەكەنىن اتاپ وتكەن ءجون. نەگىزگى كاپيتالدىڭ جەتكىلىكتىلىك كوەففيتسيەنتى (k1) – 19%-عا, مەنشىكتى كاپيتالدىڭ جەتكىلىكتىلىك كوەففيتسيەنتى (k2) 21,6%-عا جەتتى. بۇل جۇيەدە ورتا ەسەپپەن زاڭنامادا بەلگىلەنگەن نورمالاردان ايتارلىقتاي اسىپ تۇسەدى جانە بانكتەرگە كەز كەلگەن بولۋى مۇمكىن تاۋەكەلدەردى جابۋعا مۇمكىندىك بەرەدى», دەيدى Finprom ساراپشىلارى.
ايتقانىمىزداي, مەنشىك كاپيتالىنىڭ جەتكىلىكتى بولۋى بانكتىڭ قارجىلىق تۇراقتىلىعىنا, سالىمشىلار سەنىمىنە, نەسيە مۇمكىندىكتەرىن ارتتىرۋعا, كەز كەلگەن ساتتە تۋىنداعان تاۋەكەلدەر مەن داعدارىستاردى ەڭسەرۋگە جانە ءوسۋ, دامۋ الەۋەتىن ارتتىرۋعا كەپىل بولادى.
