فوتو: اقوردا
كەزدەسۋ بارىسىندا مەملەكەت باسشىسى اقتاۋ جانە قۇرىق پورتتارىن دامىتۋدى قازاقستان ستراتەگيالىق ماقسات ەتىپ وتىرعانىن اتاپ ءوتتى.
قاسىم-جومارت توقاەۆ پەن مۇحاممەد جۋمۋ ءال-شاميسي Abu Dhabi Ports Group كومپانياسىنىڭ كولىك-لوگيستيكا سالاسىنداعى باي تاجىريبەسىن ەسكەرە وتىرىپ, وسى سالاداعى ءوزارا ءتيىمدى قارىم-قاتىناستىڭ پەرسپەكتيۆالارىن تالقىلادى.
مەملەكەت باسشىسى قازاقستان مۇنايىن ورتا ءدالىز ارقىلى ازەربايجانعا تاسىمالداۋ جونىندەگى «قازمۇنايگاز» كومپانياسى مەن ADP اراسىنداعى ىنتىماقتاستىقتى وڭ باعالادى.
پرەزيدەنت ەۋرازيانى شىعاناقپەن, افريكامەن جانە ۇندىستانمەن بايلانىستىراتىن «سولتۇستىك – وڭتۇستىك» باعدارىنىڭ الەۋەتىن پايدالانۋ جوسپارى تۋرالى ايتتى. ونىڭ پىكىرىنشە, 2027 جىلعا قاراي اتالعان باعىتتىڭ جۇك وتكىزۋ قابىلەتى كەمىندە 70 پايىزعا ارتىپ, 9 ميلليون توننادان 15 ميلليون تونناعا دەيىن ۇلعايۋعا ءتيىس.
وسىعان بايلانىستى قاسىم-جومارت توقاەۆ «قازاقستان تەمىر جولى» مەن ADP اراسىندا بىرلەسكەن كاسىپورىن قۇرۋ جونىندەگى ۋاعدالاستىقتى ەرەكشە اتاپ ءوتىپ, بۇل جوبالاردىڭ تابىستى جۇزەگە اسىرىلۋىنا تىلەكتەستىك ءبىلدىردى.
