– بىزگە الماتىداعى ورتالىق قويمادان كەلەتىن كۇرىش باعاسى 520 تەڭگە بولسا, «بايقوڭىر» اكك ارقىلى جەتكىزىلەتىن كۇرىش قۇنى 400 تەڭگە. ءبىز وسى ءونىمدى كوبىرەك العىمىز كەلەدى. الەۋمەتتىك ماڭىزى بار ازىق-ت ۇلىك تاۋارلارى باعاسىن الدىن الا ۇسىنىسپەن بەكىتىلگەن قۇننان كوتەرمەيمىز. الدا دۇكەن ارقىلى ۇندى دا وسىنداي باعامەن ساۋدالاۋدىڭ جايىن «بايقوڭىر» اكك وكىلدەرىمەن اقىلداسىپ وتىرمىز. رەتى كەلسە, الداعى ۋاقىتتا ونىمدەردى وزىمىزدەن الىپ, ساۋداعا شىعارعىمىز كەلەدى, – دەيدى ساۋدا جەلىسىنىڭ وكىلى ەركەجان تۇرسىنباي.
ساۋدا جەلىسى قازىر سيىر مەن تاۋىق ەتىن كورشى وبلىستاردان الدىرىپ وتىر. ايماقتاعى ازىق-ت ۇلىك تاۋارلارىنا باعا بەلگىلەۋ تىزبەگىندەگى دەلدالدىق سحەمالاردى تەكسەرۋ كوميسسياسى وكىلدەرى جاقىندا عانا اشىلعان قارماقشىداعى قۇس فابريكاسى العاشقى ءونىمىن شىعارۋعا دايىن ەكەندىگىن ايتادى. الىستان اربالاعانشا, جاقىننان دوربالاۋ جەرگىلىكتى ساۋدا ورىندارى ءۇشىن دە ءتيىمدى.
«قىزىلوردا» ساۋدا جەلىسىن دە ارالاپ, ونداعى باعالاردى ساراپتاعان كوميسسيا وتىرىستى ەندى اپتاسىنا 2 مارتە وتكىزىپ تۇراتىن بولدى. جىل باسىندا وبلىس اكىمى وكىمىمەن قۇرىلعان كوميسسيانىڭ 91 وتىرىسى وتكىزىلىپ, پياز, تۇز بەن كۇرىش باعالارىن ءجونسىز قىمباتتاۋدىڭ 11 دەرەگىن انىقتاپتى.
كۇرىش باعاسىنا بايلانىستى 6 كاسىپورىنعا قىزىلوردا وبلىسى بويىنشا باسەكەلەستىكتى قورعاۋ جانە دامىتۋ دەپارتامەنتى ايىپپۇل سالسا, بەس دەرەك بويىنشا باعا تومەندەتىلىپ, ساۋدا جانە تۇتىنۋشىلاردىڭ قۇقىعىن قورعاۋ دەپارتامەنتى نەگىزسىز دەلدالداردى قىسقارتىپتى. باعانىڭ ءوسۋىن تەجەپ, ينفلياتسيالىق قىسىمدى تومەندەتۋ ماقساتىندا وبلىستاعى 183 ساۋدا نىسانىمەن ساۋدا ۇستەمەسىن 10 پايىزدان اسىرماۋ تۋرالى ەكىجاقتى مەموراندۋمدار جاسالىپتى.
ساۋدا نىساندارىنىڭ وكىلدەرىمەن كەزدەسۋدە وبلىس اكىمىنىڭ ءبىرىنشى ورىنباسارى سەرىك قوجانيازوۆ جاڭا جىل قارساڭىنداعى قاربالاستى پايدالانىپ دۇكەندەر الەۋمەتتىك ماڭىزى بار ازىق-ت ۇلىك باعاسىن قىمباتتاتۋعا بولمايتىنىن قاتاڭ ەسكەرتتى.
وسى كۇنى وبلىستاعى تۇراقتاندىرۋ قورىندا 2092,5 توننا ءونىم مەن 291,6 مىڭ دانا جۇمىرتقا بار. وبلىس تۇرعىندارىن 5901,5 توننا الەۋمەتتىك ماڭىزى بار ازىق-ت ۇلىك تاۋارىمەن قامتاماسىز ەتۋ باعىتىندا 11 كاسىپكەرلىك سۋبەكتىسىنە مىندەتتەمە بەلگىلەنگەن. بيىلعى كۇزگى ونىمنەن 4 952 توننا كوكونىسكە فورۆاردتىق كەلىسىم جاسالىپ, بۇگىندە ونىڭ 1032 تونناسى تۇراقتاندىرۋ قورىنا جەتكىزىلىپ, ارزان باعادا الەۋمەتتىك دۇكەندەر مەن ساۋدا ۇيلەرىندە ساتىلىمعا شىعارىلا باستادى.
الەۋمەتتىك نان باعاسىن تۇراقتاندىرۋ ءۇشىن جىل باسىنان بەرى 7 480 توننا ۇن ساتىپ الىنىپ, وبلىستاعى ناۋبايحانالارعا تاراتىلىپ كەلەدى. بۇل وڭىردە الەۋمەتتىك نان باعاسىن 90 تەڭگە كولەمىندە تۇراقتى ۇستاۋعا مۇمكىندىك بەرىپ وتىر.
جىل باسىندا 571 مىڭ دانا تاۋىق جۇمىرتقاسى ساتىپ الىنىپ, وبلىستا وسى ءونىم باعاسى تۇراقتالىپ تۇر. وسى كۇنى وڭىرلىك تۇراقتاندىرۋ قورىنا تاعى دا 500 مىڭ جۇمىرتقا ساتىپ الۋ جونىندە «بايقوڭىر» اكك» اق مەن «اقكول قۇس» جشس-نىڭ رەسمي ديستريبيۋتەرى «بەرەكە ترەيد كز» جشس اراسىندا كەلىسىم شارت جاسالىپ, الەۋمەتتىك دۇكەندەردە 43 تەڭگەدەن ساۋدالانىپ جاتىر.
جىل باسىنان اۋىل شارۋاشىلىعى ونىمدەرىن ارزان باعادا ساۋدالاعان 271 جارمەڭكە ۇيىمداستىرىلىپ, وبلىس تۇرعىندارىنا 10,3 مىڭ توننا ءونىم ۇسىنىلدى.
جەرگىلىكتى بيلىك وكىلدەرى اۋىل تۇرعىندارىنىڭ باۋ-باقشا ەگۋىنە جاعداي جاساپ, جەرىن دايىنداپ, سۋىن جەتكىزىپ بەرۋدىڭ ارقاسىندا قازىر ەلدە ءوز-ءوزىن قامتاماسىز ەتكەندەر قاتارى كوبەيگەنىن ايتادى. بۇل تاجىريبە الدا دا جالعاسادى.
اپتاسىنا ەكى رەت وتەتىن كوميسسيا وتىرىسىندا ايماقتاعى ازىق-ت ۇلىك تاۋارلارىنا باعا بەلگىلەۋ تىزبەگىندەگى دەلدالدىق سحەمالاردى تەكسەرۋ ناتيجەلەرى تالقىلانىپ وتىرادى.
باستىسى – نەگىزسىز دەلدال تىيىلسا, باعا ايىلى جيىلادى.
قىزىلوردا
