ارعىدان اماناتقا العان اتاكاسىبىنىڭ ءوزى اۋىل شارۋاشىلىعىنان الىستاي قويماعان ەلىمىز اۋەل باستان اگرارلى مەملەكەت ەدى. ەندىگىنە ەن سالىنباعان يەن دالانىڭ توسىنە ءدان شاشىپ, توسكەيىن تولتىرا مال ورگىزگەن. سودان دا شىعار, ىلكىدە وتكەندەردىڭ ىشەر استان تارشىلىق كورگەن تۇسى جوق. وسىنىڭ ءوزى-اق ءار قازاققا وي سالسا كەرەك...
انىعىندا, ۇلىسىن ىرىسقا كەنەلتكەن ۇلى ىستەر وسى دالادان باستاۋ الادى. جارىقتىق جەر-انا ەشكىمدى جاتىرقامايدى, قولى قيمىلداعاندى اشقۇرساق قالدىرمايدى. تەك تابيعاتتىڭ ءتىلىن, ءىستىڭ كوزىن تابا بىلسەڭىز بولعانى... مۇنداي شارۋانى قۇپ كورەتىن مەملەكەت تە مۇمكىندىگىنە قاراي سەپتەسۋگە ءازىر. سالماق سالمايتىنداي سۋبسيدياسىن بەرەدى, جانار-جاعارمايدى دا جەڭىلدەتىپ تاراتۋعا بەيىل. سورەلەردە ىرىق بەرمەي تۇرعان باعانىڭ ءبىر ۇشى دا سول اۋىلعا بايلاۋلى. ەلدەگى اعايىننىڭ ەسەبى تۇگەل بولسا, قالاداعى قالىڭ جۇرتتىڭ دا قالتاسى ورتايا قويمايدى. كاسىبىن دوڭگەلەتىپ وتىرعاندار ءبىزدىڭ ەلدە جەتىپ ارتىلادى. ۇلان-عايىر جەردىڭ ۇل-قىزدارى سول كاسىپتى بەرىك ۇستانىپ, ۇرپاقتان-ۇرپاققا جالعاپ كەلەدى.
اۋىل شارۋاشىلىعى, تاماق جانە وڭدەۋ ونەركاسىبى قىزمەتكەرلەرى كۇنى مەرەكەسى قارساڭىندا وسى سالانىڭ وزاتتارىن تاعى ءبىر مارتە ەلگە تانىتۋدى ءجون سانادىق.
