فوتو: وبلىس اكىمدىگى. تەلەگرام
كورۋ قابىلەتى ناشار ادامداردىڭ كۇندەلىكتى قاۋىپسىز قوزعالىسىن جانە وزىنە دەگەن سەنىمدىلىگىن قامتاماسىز ەتەتىن قۇرىلعى ءارتۇرلى جاراقاتتاردىڭ الدىن الادى. پايدالانۋشىنىڭ جولىنداعى كەدەرگىلەردى تاياقتاعى داتچيك الدىن الا انىقتايدى, سولايشا سوقتىعىسۋدى بولدىرمايدى. زاماناۋي تاياقتىڭ تاعى ءبىر ارتىقشىلىعى: ورناتىلعان ارنايى زۋممەر داتچيگى دىبىستىق نۇسقاۋلار بەرەدى جانە پايدالانۋشىعا قاجەتتى ورىندى تابۋعا كومەكتەسەتىن ءموبيلدى قولدانبالارى بار.
بۇدان بولەك, قورشاعان ورتاداعى ءارتۇرلى نىسانداردى جانە باسقا دا ماڭىزدى بولشەكتەردى انىقتاۋعا كومەكتەسەتىن كومپيۋتەرلىك كورۋ تەحنولوگياسى دا قاراستىرىلعان. سونداي-اق قوسىمشا مۇمكىندىكتەردى قامتاماسىز ەتۋ ءۇشىن سمارتفوندار سياقتى باسقا قۇرىلعىلارعا قوسىلۋعا جانە ءوزارا ارەكەتتەستىرۋگە بولادى.
جوبا اۆتورلارى: ينفورماتيكا ءپانى مۇعالىمدەرى التىناي يبراەۆا, ارايلىم يسكاكوۆا, ورىس ءتىلى ءپانى مۇعالىمى ايجان كۋاندەكوۆا, ماتەماتيكا ءپانى مۇعالىمى دانيار نادىرباەۆ.
