استانا قالاسىنىڭ پوليتسيا دەپارتامەنتى ەلورداداعى مەيرامحانالاردىڭ بىرىندە قىلمىستىق كودەكستىڭ 99 (كىسى ءولتىرۋ) بابىمەن ايەلدى ءولتىرۋ فاكتىسى بويىنشا تەرگەۋدى جالعاستىرۋدا.
پوليتسيا تاراتقان دەرەككە قاراعاندا, وسى قىلمىستى جاسادى دەگەن كۇدىكتى قاماۋعا الىنعان.
قازىرگى ۋاقىتتا, تەرگەۋ ورگاندارى, وقيعانىڭ بارلىق ءمان-جايلارىن جانە ناقتى ادامداردىڭ كىناسىن انىقتاۋعا باعىتتالعان قاجەتتى ءىس-شارالاردىڭ بارلىق كەشەنىن ورىنداپ جاتىر.
"تەرگەۋ بارىسىندا قازاقستان رەسپۋبليكاسى قىلمىستىق كودەكسىنىڭ 432 (قىلمىستى جاسىرۋ) بابى بويىنشا قىلمىستىق ءىس جەكە تىركەلدى, ونىڭ شەڭبەرىندە "گاسترو-ورتالىق" ديرەكتورى كۇدىكتى دەپ تانىلىپ, ۋاقىتشا ۇستاۋ يزولياتورىنا قامالدى.
سونداي-اق, قازاقستان رەسپۋبليكاسى قىلمىستىق كودەكسىنىڭ 434-بابى (قىلمىس تۋرالى حابارلاماۋ) 119-بابى 3-بولىگى (قاۋىپ-قاتەردە قالدىرۋ) بويىنشا قىلمىستىق ىستەر تىركەلدى", - دەلىنگەن حابارلامادا.
تەرگەۋدى استانا قالاسىنىڭ پوليتسيا دەپارتامەنتى تەرگەۋ باسقارماسى جۇرگىزەدى جانە قازاقستان رەسپۋبليكاسى ىشكى ىستەر مينيسترلىگى باسشىلىعىنىڭ باقىلاۋىندا بولادى.
ەستەرىڭىزگە سالا كەتەيىك, كورىنەۋ جالعان اقپارات تاراتقانى ءۇشىن قىلمىستىق جاۋاپكەرشىلىك قاراستىرىلعان.
