فوتو: اشىق دەرەككوز
وبلىستىق سايلاۋ كوميسسيالارى ۇسىنعان دەرەكتەرگە سۇيەنسەك, ەلوردا ۋاقىتىمەن ساعات 07.00-دەگى جاعداي بويىنشا وڭىرلەردە بارلىق 1491 اۋداندىق جانە قالالىق سايلاۋ ۋچاسكەلەرى داۋىس بەرۋگە كىرىستى.
ەڭ ءىرى 305 سايلاۋ ۋچاسكەسىندە (1000-نان استام سايلاۋشى) ءتسدياوم جانە «ازاماتتارعا ارنالعان ۇكىمەت» كەاق-مەن بىرلەسىپ, سايلاۋشىلار تىزىمىنە كىرمەگەن, بىراق سايلاۋ ۋچاسكەسىنىڭ اۋماعىندا تۇراتىن مەكەنجاي مالىمەتتەرىن تەكسەرۋ ءۇشىن سەرۆيس ۇيىمداستىرىلعان.
جامبىل جانە تۇركىستان وبلىستارىنىڭ 3 سايلاۋ ۋچاسكەسىندە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭ شەڭبەرىندە اۋماقتىق سايلاۋ كوميسسيالارىنىڭ قابىلدانعان شەشىمدەرىنە سايكەس داۋىس بەرۋ تاڭعى ساعات 06.00-دە باستالدى.
قازاقستان رەسپۋبليكاسىنىڭ اۋماعىنداعى ۋاقىت بەلدەۋلەرىنىڭ شەكارالارىنا سايكەس 5 ءوڭىردىڭ: اقتوبە, اتىراۋ, باتىس قازاقستان, قىزىلوردا, ماڭعىستاۋ وبلىستارىنىڭ سايلاۋ ۋچاسكەلەرى استانا ۋاقىتى بويىنشا ساعات 08.00-دە اشىلدى.
سايلاۋشىلار تىزىمىنە 1 062 327 ازامات ەنگىزىلگەن.
4 قاراشا ساعات 18.00-دە جالپى, ۋچاسكەلىك كوميسسيالار ازاماتتاردىڭ جازباشا وتىنىشتەرى بويىنشا اۋداندار مەن وبلىستىق ماڭىزى بار قالالار اكىمدەرىن سايلاۋ بويىنشا داۋىس بەرۋ قۇقىعىنا 143 ەسەپتەن شىعارۋ كۋالىگىن بەردى.
داۋىس بەرۋ بۇگىن جەرگىلىكتى ۋاقىت بويىنشا ساعات 07.00-دەن 20.00-گە دەيىن وتكىزىلەدى.
