سۋرەتتى تۇسىرگەن – جەڭىس ىسقاباي
قۋانىشتى ءىس-شارا رەسپۋبليكا كۇنى قارساڭىندا جۇزەگە استى. پانفيلوۆتەگى قوس نىسان مەملەكەتتىك باعدارلامامەن سالىنعان. ولاردىڭ ءبىرى پەنجىم اۋىلىندا 100 ورىنعا ارنالعان, ونىڭ قۇنى – 1 ملرد 115 ملن تەڭگە, ال ەكىنشىسى ۇلكەنشىعان اۋىلىندا ورنالاسقان. ءوڭىر اكىمىنىڭ ءباسپاسوز قىزمەتىنىڭ مالىمەتىنشە, مۇنىڭ قۇرىلىسىنا 1 ملرد تەڭگە بولىنگەن, 90 ورىندىق. بۇلاردىڭ ارقايسىسىندا بوكس, فيتنەس, كۇرەس جانە باسقا دا سپورت تۇرلەرىنە ارنالعان زالدار, سونداي-اق سپورتتىق ويىن الاڭدارى بار. ءبىرىنشى سپورت كەشەنىنىڭ اۋدانى – 2 615,7 شارشى مەتر, ەكىنشىسى – 2 057,80 شارشى مەتر.
نىسانداردىڭ اشىلۋ سالتاناتىندا ءسوز سويلەگەن پانفيلوۆ اۋدانىنىڭ اكىمى مارات ساعىمبەك:
«وتكەن جىلى پانفيلوۆ اۋدانىندا 6 سپورت كەشەنى ىسكە قوسىلدى. ولاردىڭ ءبارى جەرگىلىكتى كاسىپكەرلەردىڭ ەسەبىنەن سالىنعان. جاقىن ارادا جاركەنت قالاسىندا جەكە ازاماتتاردىڭ قولداۋىمەن قۇنى 500 ملن تەڭگە بولاتىن تاعى ءبىر سپورت كەشەنى اشىلادى. ال بۇگىن مەملەكەتتىڭ قولداۋىمەن اۋداننىڭ ەكى اۋىلىندا ەكى سپورت نىسانى پايدالانۋعا بەرىلىپ وتىر. سونداي-اق ءۇشارال قالاسىندا تاعى ءبىر سپورت كەشەنىنىڭ قۇرىلىسى باستالدى, كەلەسى جىلى ىسكە قوسىلادى», دەدى.
اۋدان اكىمدىگىنىڭ مالىمەتىنشە, اۋىل بالالارى جاڭا سپورت كەشەندەرىندە جاتتىعۋعا سپورت سەكتسيالارىنا جازىلا باستاعان. اۋىل تۇرعىندارى ءىشى تولىقتاي جابدىقتالعان ەكى جاڭا نىساننىڭ اشىلعانىنا ءدان ريزا.
قاراتال اۋدانىنىڭ تۇرعىندارى دا وسىنداي قۋانىشقا كەنەلدى. اتالعان اۋداننىڭ كالپە اۋىلىندا قۇنى 179,8 ملن تەڭگەلىك, جالپى اۋدانى 887 شارشى مەتردەن اساتىن بلوكتى-ءمودۋلدى سپورت كەشەنى پايدالانۋعا بەرىلدى. قۇرىلىس جۇمىستارىن «اتامەكەنسترويگرۋپپ» جشس جۇرگىزدى.
اتاپ وتسەك, تالدىقورعاندا تاعى ءبىر سپورت نىسانى – جەكە ينۆەستيتسيا ەسەبىنەن سالىنعان جابىق جاتتىعۋ مۇز ارەناسى اشىلادى. وڭىردە بالاماسى جوق جاڭا سپورت نىسانى حالىقارالىق كونكي سپورت تۇرلەرى فەدەراتسيالارىنىڭ بارلىق نورماسى مەن رەگلامەنتىنە سايكەس كەلەدى. مۇندا وقۋ-جاتتىعۋ ۇدەرىستەرىن, سونداي-اق شايبالى حوككەي, مانەرلەپ سىرعاناۋ, پاراليمپيادالىق حوككەي جارىستارىن وتكىزۋگە بارلىق جاعداي جاسالعان. «Jetysu اrena» مۇز ايدىنىنىڭ جالپى اۋدانى – 1 456 شارشى مەتر. بۇل – رەسپۋبليكادا سلەدج-حوككەي ويناۋعا مۇمكىندىك جاسالعان ەكىنشى كەشەن.
ەڭ عاجابى, تالدىقورعاندا «Jetysu اrena» مۇز ايدىنى اشىلدى. بۇل نىساندى حالىق كوپتەن كۇتكەن ەدى. سەبەبى قىسقى سپورت تۇرىنە قىزىعاتىن جاستارعا وسىنداي ورتالىق اۋاداي قاجەت بولىپ جۇرگەن. مىنە, بۇگىن سول مەرەيلى ساتكە دە جەتتى. ارەنا حالىقارالىق تالاپقا ساي سالىنعان. كەز كەلگەن تۇرعىن بالالارىن اكەلىپ, قالاعان سپورت تۇرىمەن اينالىسۋعا ەركىندىك بەرىلمەك.
جەكە كاسىپكەردىڭ قارجىسىنا سالىنعان نىساندا شورت-ترەك, حوككەي, مانەرلەپ سىرعاناۋمەن اينالىسۋعا بولادى. سونىمەن قاتار مۇندا پاراليمپيادالىق, ياعني شانالى حوككەيگە دە جاعداي جاسالىپ وتىر. حوككەيدىڭ بۇل تۇرىمەن اينالىسۋعا ارنالعان مۇز ارەناسى – ەلىمىزدە ەكەۋ عانا. ونىڭ ءبىرى – استانادا بولسا, ەكىنشىسى بۇگىن تالدىقورعاندا اشىلىپ وتىر.
عيماراتتىڭ اشىلۋ سالتاناتىنا قاتىسقان تالدىقورعان قالاسىنىڭ اكىمى ەرنات ءبازىل جينالعان قاۋىمدى مەرەكەمەن قۇتتىقتاپ, اقجارما تىلەگىن ءبىلدىردى.
«وبلىستا بۇقارالىق سپورتتى دامىتۋعا تۇراقتى قولداۋ كورسەتىلىپ, بيىل وسى سالاعا بيۋدجەتتەن 20,5 ملرد تەڭگە ءبولىندى. «Jetysu اrena» مۇز ايدىنىن سالۋعا جەرگىلىكتى كاسىپكەر 867 ملن جەكە ينۆەستيتسيا قۇيىپ, بۇگىن سول كورنەكتى سپورت نىسانىن ىسكە قوسىپ وتىر. وسى رەتتە تالدىقورعاندا قىسقى سپورتتى دامىتۋعا قوسىپ وتىرعان زور ۇلەسى ءۇشىن كاسىپكەر مۇحامەتجان سەرىك ۇلىنا شىنايى العىسىمدى بىلدىرەمىن», دەدى ە.ءبازىل.
ايتا كەتەيىك, جالپى وبلىسىمىزدا قىسقى سپورت تۇرلەرىمەن تۇرعىنداردىڭ 1,4 پايىزى اينالىسادى. ەندىگى جەردە بۇل نىسان جاستاردىڭ قىسقى سپورت تۇرلەرىنە دەگەن قىزىعۋشىلىعىن ارتتىرۋعا سەپتىگىن تيگىزەتىن بولادى.
نىساننىڭ جالپى الاڭى – 2 235,8 شارشى مەتر. كەشەن كاسىبي تەحنولوگيالىق قۇرالدارمەن – توڭازىتقىش قۇرال, مۇز قۇيۋ قۇرالى, سپورتتىق قۇرالدارمەن جابدىقتالعان. سول ارقىلى مۇندا جىل بويى ۇزدىكسىز جاتتىعۋعا مۇمكىندىك بار.
جالپى, جەتىسۋ وبلىسىندا سپورتتى دامىتۋعا بيىل 20,5 ملرد تەڭگە بولىنگەن.
جەتىسۋ وبلىسى
