قالا باسشىسى قۇرىلىسى ۇزاققا سوزىلعان بىرقاتار نىساننىڭ قۇرىلىس بارىسىمەن تانىسقانىن جازدى. ولار – «تەرريتوريا كومفورتا-1» 2-كەزەك, «تريۋمف سيتي», «Future home» تۇرعىن ءۇي كەشەندەرى.
ايتا كەتسەك, مۇنداعى ۇلەسكەرلەردىڭ جالپى سانى – 800-گە جۋىق وتباسى.
«مسەلەن, «تەرريتوريا كومفورتا» تۇرعىن ءۇي كەشەنىنىڭ قۇرىلىسى وسىدان 20 جىلداي ۋاقىت بۇرىن باستالعان. تەحنيكالىق تەكسەرۋ كەزىندە عيماراتتىڭ اپاتتى جاعدايدا ەكەنى انىقتالدى. تيىسىنشە اپاتتى كۇيدەگى تۇرعىن ءۇي كەشەنىنىڭ بارلىق بلوگىن بۇزۋ بويىنشا اۋقىمدى جۇمىس جۇرگىزىلدى. 2021 جىلى «تەرريتوريا كومفورتا» تك ءبىرىنشى كەزەگىنىڭ قۇرىلىسى اياقتالىپ, 100-دەن استام ۇلەسكەر وتباسى پاتەر كىلتىن العان. قالعان بلوكتار بويىنشا جۇمىس ءجۇرىپ جاتىر», دەپ جازدى جەڭىس قاسىمبەك.
بۇدان باسقا, «تريۋمف سيتي» مەن «Future home» تۇرعىن ءۇي كەشەندەرىنىڭ قۇرىلىسى 10 جىل بۇرىن باستالعان ەدى. «Future home» تۇرعىن ءۇي كەشەنىن وتكىزۋ كەزىندە 4 جانە 7 قاباتى عانا سالىنعان.
«بيىل قۇرىلىسى ۇزاققا سوزىلعان 30 تۇرعىن ءۇي كەشەنىن اياقتاۋدى جوسپارلاپ وتىرمىز. ولاردىڭ ءبىر بولىگىن قازىردىڭ وزىندە اياقتادىق. ۇلەستىك قۇرىلىس نىساندارى بويىنشا قادامدىق ءىس-شارا جوسپارى بار. قۇرىلىسى ۇزاققا سوزىلعان نىسانداردىڭ اياقتالۋى مەملەكەت باسشىسىنىڭ تىكەلەي باقىلاۋىندا», دەپ قورىتىندىلادى جەڭىس قاسىمبەك.
