فوتو: اشىق دەرەككوز
باس سانيتارلىق دارىگەردىڭ ايتۋىنشا, قازىرگى ۋاقىتتا زيانكەستەردەن زارداپ شەككەن بالالاردىڭ جاعدايى تۇراقتى, بارلىعى اۋرۋحانادان شىعارىلىپ, ۇيلەرىنە جىبەرىلدى.
«ەكىنشى جاعدايدا دەزينفەكتسيالاۋشى زات قولدانىلدى, ول ادەتتە اۋىل شارۋاشىلىعىندا قولدانىلادى, ونى تۇرعىن ۇيلەردە مۇلدەم پايدالانۋعا بولمايدى. تيىسىنشە, بۇل ءونىمدى پايدالانۋ جوعارعى قاباتتاعى كورشىلەردىڭ ۋلانۋىنا سەبەپ بولدى», دەدى ايجان ەسماعامبەتوۆا.
ەسكە سالا كەتسەك, العاشقى ۋلانۋ وقيعاسى 21 قازاندا بولعان. اقتاۋ قالاسىنداعى پاتەرلەردىڭ بىرىندە زالالسىزداندىرۋ جۇمىستارى كەزىندە سانيتارلىق نورمالاردىڭ بۇزىلۋى سالدارىنان جەتى ادام زارداپ شەكتى. زارداپ شەككەن ەكى ادام, ءۇش جاسقا دەيىنگى بالالار ۋلانۋ سالدارىنان كوز جۇمدى. قازىر اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
ءدال وسىنداي جاعداي 27 قازاندا دا بولدى. قالاداعى تۇرعىن ۇيلەردىڭ بىرىندە توسەك قۇرتتارىن ۋلاۋ كەزىندە بەس ادام, ونىڭ ىشىندە ءۇش جاس بالا ۋلاندى.
ايتا كەتسەك, تۇرعىن ۇيلەردەگى زيانكەستەردى ۋلاۋ قىزمەتى ليتسەنزيالانباعان. ايجان ەسماعامبەتوۆا زيانكەستەرگە قارسى قاۋىپتى ونىمدەردى قولدانۋ جاعدايلارىنىڭ كوبەيۋىنە بايلانىستى بۇل قىزمەت ءتۇرىن ليتسەنزيالاۋ ەنگىزىلىپ جاتقانىن قوسا ايتتى.
«بۇل قىزمەت 2007 جىلعا دەيىن جالپى ليتسەنزيالانعان ەدى. 2007 جىلدان باستاپ ليتسەنزيالاۋ جويىلدى. بىراق قازىر مۇنداي ۋلانۋ وقيعالارى ءجيى تىركەلىپ جاتىر. سوندىقتان «بيولوگيالىق قاۋىپسىزدىك تۋرالى» زاڭنىڭ اياسىندا بۇل ەرەجە ەنگىزىلدى», دەپ ءتۇسىندىردى ايجان ەسماعامبەتوۆا.
