فوتو:gov.kz
كەن ورنىندا نيكەل (1,075 ملن توننا) جانە كوبالت (585,9 مىڭ توننا) قورى بار. پايدالى قازبالار قورلارىنىڭ قۇنى 5,6 ترلن تەڭگەدەن اسادى.
«27 قازاندا استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ ت.توقتاباەۆقا قاتىستى ۇكىمى جاريالاندى. ول پايدالى قازبالاردىڭ ءىرى قورلارى بار كەن ورىندارىن ونىمەن ۇلەستەس تۇلعالارعا بەرۋ كەزىندە اۋىر زارداپتارعا اكەپ سوقتىرعان لاۋازىمدىق وكىلەتتىكتەردى تەرىس پايدالانعانى ءۇشىن كىنالى دەپ تانىلدى», دەلىنگەن Antikor حابارلاماسىندا.
ايتا كەتسەك, توقتاباەۆقا 7 جىل باس بوستاندىعىنان ايىرۋ جازاسى تاعايىندالدى. سونداي-اق ول مەملەكەتتىك قىزمەتتە جۇمىس ىستەۋ قۇقىعىنان, «ەرەن ەڭبەگى ءۇشىن» مەملەكەتتىك ناگراداسىنان ايىرىلدى.
بۇدان بولەك, ونىڭ الماتى قالاسى, بوستاندىق اۋدانى, كوكشوقى ش/ا مەكەنجايى بويىنشا ورنالاسقان جەر ۋچاسكەسى, الماتى باۋ-باقشا سەرىكتەستىگى مەكەنجايىندا ورنالاسقان تۇرعىن ءۇيى, 2021 جىلى شىققان Mercedes-Benz Maybach S580 4MATIC ماركالى كولىگى, 2021 جىلى شىققان Bentley Bentayga V8 ماركالى اۆتوكولىگى, 13 كوممەرتسيالىق ۇيىمنىڭ قاتىسۋ ۇلەسى تاركىلەندى.
